قازاقستان رەسپۋبليكاسىنىڭ "قورعانىس جانە قارۋلى كۇشتەر تۋرالى" زاڭىنىڭ 5-بابى 2-تارماعىنىڭ 11) تارماقشاسىنا جانە "اسكەري قىزمەت جانە اسكەري قىزمەتشىلەردىڭ مارتەبەسى تۋرالى" زاڭنىڭ 31-بابىنا سايكەس پرەزيدەنت ءتيىستى قاۋلى قابىلدادى.
- اسكەري قىزمەتتىڭ بەلگىلەنگەن مەرزىمىن وتكەرگەن مەرزىمدى اسكەري قىزمەتتەگى اسكەري قىزمەتشىلەر 2026 جىلدىڭ ناۋرىز – ماۋسىمىندا جانە قىركۇيەك – جەلتوقسانىندا قازاقستان رەسپۋبليكاسىنىڭ قارۋلى كۇشتەرى، قازاقستان رەسپۋبليكاسىنىڭ ىشكى ىستەر مينيسترلىگى، قازاقستان رەسپۋبليكاسىنىڭ توتەنشە جاعدايلار مينيسترلىگى، قازاقستان رەسپۋبليكاسىنىڭ ۇلتتىق قاۋىپسىزدىك كوميتەتى، قازاقستان رەسپۋبليكاسىنىڭ مەملەكەتتىك كۇزەت قىزمەتى قاتارىنان زاپاسقا شىعارىلسىن.
- اسكەرگە شاقىرۋدى كەيىنگە قالدىرۋعا نەمەسە ودان بوساتىلۋعا قۇقىعى جوق ون سەگىز جاستان جيىرما جەتى جاسقا دەيىنگى ەر ازاماتتار 2026 جىلدىڭ ناۋرىز – ماۋسىمىندا جانە قىركۇيەك – جەلتوقسانىندا قازاقستان رەسپۋبليكاسىنىڭ قارۋلى كۇشتەرىنە، قازاقستان رەسپۋبليكاسىنىڭ ىشكى ىستەر مينيسترلىگىنە، قازاقستان رەسپۋبليكاسىنىڭ توتەنشە جاعدايلار مينيسترلىگىنە، قازاقستان رەسپۋبليكاسىنىڭ ۇلتتىق قاۋىپسىزدىك كوميتەتىنە، قازاقستان رەسپۋبليكاسىنىڭ مەملەكەتتىك كۇزەت قىزمەتىنە مەرزىمدى اسكەري قىزمەتكە شاقىرىلسىن.
جەرگىلىكتى اتقارۋشى ورگاندار ءتيىستى جەرگىلىكتى اسكەري باسقارۋ ورگاندارى ارقىلى 2026 جىلدىڭ ناۋرىز – ماۋسىمىندا جانە قىركۇيەك – جەلتوقسانىندا ازاماتتاردى مەرزىمدى اسكەري قىزمەتكە شاقىرۋدى جۇرگىزۋدى ۇيىمداستىرسىن جانە قامتاماسىز ەتسىن.
قازاقستان رەسپۋبليكاسىنىڭ ۇكىمەتى، قازاقستان رەسپۋبليكاسىنىڭ ۇلتتىق قاۋىپسىزدىك كوميتەتى، قازاقستان رەسپۋبليكاسىنىڭ مەملەكەتتىك كۇزەت قىزمەتى مەرزىمدى اسكەري قىزمەتتى وتكەرۋ ءۇشىن قازاقستان رەسپۋبليكاسىنىڭ قارۋلى كۇشتەرىنە، قازاقستان رەسپۋبليكاسىنىڭ ىشكى ىستەر مينيسترلىگىنە، قازاقستان رەسپۋبليكاسىنىڭ توتەنشە جاعدايلار مينيسترلىگىنە، قازاقستان رەسپۋبليكاسىنىڭ ۇلتتىق قاۋىپسىزدىك كوميتەتىنە، قازاقستان رەسپۋبليكاسىنىڭ مەملەكەتتىك كۇزەت قىزمەتىنە اسكەرگە شاقىرىلعان قازاقستان رەسپۋبليكاسىنىڭ ازاماتتارىن جونەلتۋدى جانە مەرزىمدى اسكەري قىزمەتتىڭ بەلگىلەنگەن مەرزىمدەرىن وتكەرگەن اسكەري قىزمەتشىلەردى شىعارۋدى قارجىلاي جانە ماتەريالدىق جاعىنان قامتاماسىز ەتۋدى ۇيىمداستىرسىن.
وسى جارلىق العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.
سونىمەن قاتار، بۇگىن مەملەكەت باسشىسى "تۋريستىك سالانى جانە بالالار سپورتىن قولداۋعا بايلانىستى قازاقستان رەسپۋبليكاسىنىڭ كەيبىر زاڭنامالىق اكتىلەرىنە وزگەرىستەر مەن تولىقتىرۋلار ەنگىزۋ تۋرالى" زاڭعا قول قويدى.
زاڭداعى باستى وزگەرىس – بالالار مەن جاسوسپىرىمدەر سپورت مەكتەپتەرىندە (ديۋسش) ءار سپورتشىعا قارجىلاندىرۋ نورماسىن ەنگىزۋ. بۇل شارا ءبىر سپورتشىعا جىل سايىن بولىنەتىن شىعىندى قازىرگى ورتاشا 233 مىڭ تەڭگەدەن 415 مىڭ تەڭگەگە دەيىن كوبەيتۋگە مۇمكىندىك بەرەدى.
