2025 جىلى ورتالىق ازيا ەلدەرىنىڭ ەكونوميكاسى سوڭعى جىلداردىڭ ەڭ جوعارى ءوسۋ قارقىنىن كورسەتتى، دەپ حابارلايدى "ادىرنا" ۇلتتىق پورتالى.
ەسەپ بويىنشا قىرعىزستان – 9%-دان 11,1%-عا دەيىن وسۋىمەن ءبىرىنشى ورىندا. وزبەكستان – 6,5%-دان 7,7%-عا دەيىن، قازاقستان – 5%-دان 6,5%-عا دەيىن، ايماق بويىنشا ءۇشىنشى ورىنعا جايعاسقان.
Halyk Finance ساراپشىلارىنىڭ ايتۋىنشا، ەكونوميكالىق ءوسىمدى دۇنيەجۇزىلىك مينەرالدىق رەسۋرستارعا سۇرانىس، نارىقتاردىڭ اشىلۋى جانە جالپى ەكونوميكالىق كەڭىستىكتىڭ قالىپتاسۋى قامتاماسىز ەتەدى.
سونداي-اق، ينۆەستيتسيالار مەن ىشكى تۇتىنۋ قارقىنىنىڭ جوعارى بولۋى ينفلياتسيانىڭ باياۋلاۋىنا كەدەرگى جاسايدى. 2025 جىلى ايماق ەلدەرىنىڭ جالپى ءجىو 0,5 تريلليون اقش دوللارىنان استى، ال ادام باسىنا شاققانداعى ءجىو 12 مىڭ دوللاردان جوعارى بولدى.
2022 جىلدان بەرى ەكونوميكالىق ءوسىم كوشباسشىسى بولىپ قىرعىزستان سانالادى. ەلدىڭ ءجىو-ءسى ناقتى ەسەپپەن شامامەن 44% وسكەن، بۇل ىشكى ءوندىرىستى ارتتىرۋ، قۇرىلىس بۋمى، تۇتىنۋ سۇرانىسىن كەڭەيتۋ، تاۋارلاردى رەەكسپورتتاۋ جانە سالىق-تاموجنيا اكىمشىلىگىن جاقسارتۋ ارقىلى قامتاماسىز ەتىلگەن.
