استانادا 18 مىڭنان استام بالا ءبىر ۋاقىتتا قازاقتىڭ ەڭ تانىمال ۇلتتىق ويىندارىنىڭ ءبىرى – اسىق ويىنىن وينادى.
اۋقىمى جاعىنان ەرەكشە بۇل ءىس-شارا ۇلتتىق سپورت كۇنىنە وراي ۇيىمداستىرىلدى. تسيفرلاندىرۋ جىلى اياسىندا ج.ۇشكەمپىروۆ اتىنداعى جەكپە-جەك سارايىندا ءوتتى.
ءىرى مادەني-سپورتتىق شارا ۇلتتىق قۇندىلىقتاردى ناسيحاتتاۋعا باعىتتالدى.
ەلورداداعى جەكپە-جەك سارايىنىڭ الاڭىندا 3000 بالا «التىن ساقا» فلەشموبىنا قاتىستى. ولار ارنايى كومپوزيتسياعا تۇرىپ، اسىقتىڭ «الشى» كەلبەتى مەن «التىن ساقا» جازۋىن بەينەلەدى.
مۋزىكالىق اۋەنمەن بالالار فلەشموبتىڭ كوركەم مازمۇنىن اشاتىن ءتۇرلى بي قيمىلدارىن ورىندادى. باعدارلامانى تولىقتاي ايدار ەسىمدى جاساندى ينتەللەكت جۇرگىزدى.
فلەشموب اياقتالعاننان كەيىن جاساندى ينتەللەكت قالانىڭ بارلىق ءبىلىم بەرۋ ۇيىمىندا – بالاباقشالار مەن مەكتەپتەردە – اسىق ويىنىنىڭ باستالعانىن رەسمي تۇردە جاريالادى.
وسى بەلگى بويىنشا ءبىر مەزەتتە 18 000-نان استام بالا بۇكىل قالا بويىنشا اسىق ويناي باستادى.
مادەني-سپورتتىق ءىس-شارانىڭ باستى ماقساتى – اسىق ويىنىن كەڭىنەن ناسيحاتتاۋ، ونىڭ تاربيەلىك ءمانىن ءتۇسىندىرۋ جانە جاس ۇرپاقتىڭ ۇلتتىق سپورت تۇرلەرىنە دەگەن قىزىعۋشىلىعىن ارتتىرۋ.
