استانا قالاسىنداعى №9 «زەردە» مەكتەبىن بيىل 65 تۇلەك ءبىتىردى. ولاردىڭ بارلىعى جوعارى وقۋ ورىندارىندا تەگىن ءبىلىم الۋعا مۇمكىندىك بەرەتىن گرانتتارعا يە بولدى.
ونىڭ ىشىندە 42 تۇلەك كەشە ناتيجەسى جاريالانعان مەملەكەتتىك ءبىلىم بەرۋ گرانتىنىڭ يەگەرى اتاندى. 9 تۇلەك – نازارباەۆ ۋنيۆەرسيتەتىنە، ال 14 تۇلەك – شەتەلدەگى توپ-50 ۋنيۆەرسيتەتتەرىنە تەگىن وقۋعا ءتۇستى. وسىلايشا، مەكتەپ تۇلەكتەرىنىڭ گرانتقا ءتۇسۋ كورسەتكىشى 100 پايىزدى قۇرادى.
مەكتەپ تۇلەكتەرى ەلىمىزدەگى جەتەكشى جوعارى وقۋ ورىندارىمەن قاتار، نازارباەۆ ۋنيۆەرسيتەتىندە جانە الەمنىڭ ۇزدىك ۋنيۆەرسيتەتتەرىندە ءبىلىم الاتىن بولادى.
مەكتەپ ۇجىمىنىڭ ايتۋىنشا، بۇل ناتيجە وقۋشىلاردىڭ جۇيەلى دايىندىعى، اتا-انالاردىڭ قولداۋى جانە ۇستازداردىڭ كاسىبي ەڭبەگىنىڭ ناتيجەسى.
ايتا كەتەيىك، مەكتەپكە ءبىر جىل بۇرىن ديرەكتور بولىپ تاعايىندالعان ەرلان تاعاتبەكۇلى وقۋ پروتسەسىن جەتىلدىرۋگە جانە تۇلەكتەردىڭ جوعارى وقۋ ورىندارىنا ءتۇسۋ مۇمكىندىگىن ارتتىرۋعا ەرەكشە كوڭىل بولگەن.
ونىڭ باستاماسىمەن وقۋشىلارعا ەلىمىزدەگى جانە شەتەلدەگى جوعارى وقۋ ورىندارىنا ءتۇسۋ بويىنشا كاسىبي باعىت-باعدار بەرەتىن ماماندار تارتىلدى. ولار تۇلەكتەرگە ۋنيۆەرسيتەت تاڭداۋ، ءبىلىم بەرۋ باعدارلامالارى، گرانتقا ءتۇسۋ تالاپتارى جانە شەتەلدىك جوعارى وقۋ ورىندارىنا قۇجات تاپسىرۋ ماسەلەلەرى بويىنشا جان-جاقتى كەڭەس بەردى.
ء«بىزدىڭ ماقساتىمىز – بالانىڭ تەك ءبىلىمىن باعالاپ قانا قويماي، ونىڭ قابىلەتى مەن قىزىعۋشىلىعىنا قاراي دۇرىس باعىت-باعدار بەرۋ. وسى ماقساتتا وقۋشىلارعا كاسىبي سۇيەمەلدەۋ كورسەتەتىن مامانداردى تارتتىق. بۇگىنگى ناتيجە – مەكتەپ ۇجىمى، اتا-انا جانە وقۋشىنىڭ بىرلەسكەن جۇمىسىنىڭ جەمىسى»، – دەيدى مەكتەپ ديرەكتورى ەرلان تاعاتبەكۇلى.
