اقمولا وبلىسىندا قابانباي باتىر مەن قىزىلجار اۋىلدارىنىڭ اراسىنداعى تاسجولدا جولاۋشىلار اۆتوبۋسى مەن ەكسكاۆاتوردىڭ قاتىسۋىمەن جول-كولىك وقيعاسى ورىن الدى، دەپ حابارلايدى "ادىرنا" ۇلتتىق پورتالى.
بۇل تۋرالى قر توتەنشە جاعدايلار مينيسترلىگى حابارلادى.
ۆەدومستۆو مالىمەتىنشە، سوقتىعىس سالدارىنان اۆتوبۋس جۇرگىزۋشىسى كابينانىڭ ىشىندە قىسىلىپ قالعان. سونداي-اق بىرنەشە جولاۋشى ءارتۇرلى جاراقات العان. قاتتى سوققىدان كەيىن ەكسكاۆاتور ورتەنىپ كەتكەن.
وقيعا ورنىنا جەدەل جەتكەن قۇتقارۋشىلار ارنايى قۇرالداردىڭ كومەگىمەن اۆتوبۋس جۇرگىزۋشىسىن بوساتىپ، جەدەل جاردەم قىزمەتكەرلەرىنە تاپسىردى. زارداپ شەككەن جولاۋشىلار اۋرۋحاناعا جەتكىزىلدى.
ەكسكاۆاتورداعى ءورت تولىق ءسوندىرىلدى. تجم قازا تاپقانداردىڭ جوق ەكەنىن حابارلادى.
ۇقساس جاڭالىقتار
