مەملەكەت باسشىسى قاسىم-جومارت توقاەۆتىڭ توراعالىعىمەن 15 ناۋرىزدا رەسپۋبليكالىق رەفەرەندۋمدا قابىلدانعان قازاقستان رەسپۋبليكاسىنىڭ كونستيتۋتسياسىن ىسكە اسىرۋ ماسەلەسى جونىندە جۇمىس كەڭەسى ءوتتى، دەپ حابارلايدى "ادىرنا" ۇلتتىق پورتالى.
بۇل تۋرالى اقوردا حابارلادى.
كەڭەسكە پارلامەنت سەناتىنىڭ توراعاسى ماۋلەن اشىمباەۆ، ءماجىلىس توراعاسى ەرلان قوشانوۆ، پرەمەر-مينيستر ولجاس بەكتەنوۆ، مەملەكەتتىك كەڭەسشى ەرلان قارين، پرەزيدەنت اكىمشىلىگىنىڭ باسشىسى ايبەك دادەباي، پرەزيدەنتتىڭ قۇقىقتىق ماسەلەلەر جونىندەگى كومەكشىسى ەرجان جيەنباەۆ جانە ادىلەت ءمينيسترى ەرلان سارسەمباەۆ قاتىستى.
جيىندا پرەزيدەنت «2026 جىلعى 15 ناۋرىزدا قابىلدانعان كونستيتۋتسيانى ىسكە اسىرۋ جونىندەگى شارالار تۋرالى» جارلىققا قول قويعانىن اتاپ ءوتتى. سونىمەن قاتار، زاڭدار مەن نورماتيۆتىك-قۇقىقتىق اكتىلەردى جاڭا كونستيتۋتسياعا سايكەستەندىرۋ بويىنشا اۋقىمدى جۇمىس جۇرگىزۋ قاجەتتىلىگى ايتىلدى.
«ەڭ الدىمەن، جاڭا كونستيتۋتسياعا سايكەس بيلىك ينستيتۋتتارىنىڭ قىزمەتىن ايقىندايتىن زاڭداردى تۇزەۋ قاجەت. التى كونستيتۋتسيالىق زاڭ جانە وزگە زاڭنامالىق اكتىلەرگە وزگەرىستەر مەن تولىقتىرۋلار ەنگىزۋ ءۇشىن ءۇش زاڭ قابىلدانۋى ءتيىس. كونستيتۋتسيا كۇشىنە ەنەتىن كۇندى ەسكەرە وتىرىپ، ءتيىستى زاڭداردى پارلامەنت سەسسياسى اياقتالعانعا دەيىن قابىلداۋ كەرەك»، — دەلىنگەن حابارلامادا.
پرەزيدەنت زاڭداردى ساپالى جانە ۋاقىتىندا ازىرلەۋدى، سونداي-اق ۇكىمەتكە نورماتيۆتىك-قۇقىقتىق اكتىلەردى كەشىكتىرمەي تۇزەتۋ مىندەتىن جۇكتەدى.
