«سولتۇستىك-وڭتۇستىك» كولىك ءدالىزىنىڭ قۇرامىنا كىرەتىن قازاقستان – تۇركىمەنستان – يران حالىقارالىق تەمىرجول ماگيسترالى كەستە بويىنشا جۇمىس ىستەپ تۇر، دەپ حابارلايدى "ادىرنا" ۇلتتىق پورتالى.
«قازاقستان تەمىر جولى» جۇكتەردى وتكىزۋدە ەشقانداي ىركىلىستەر مەن قيىندىقتار بايقالماعانىن اتاپ وتكەن.
«قازىرگى ۋاقىتتا ماگيسترال شتاتتىق رەجيمدە جۇمىس ىستەپ تۇر. تاسىمالداۋ پروتسەسى كەستەگە سايكەس جۇزەگە اسىرىلۋدا، پويىزدار قوزعالىسىندا كىدىرىستەر، سونداي-اق جۇكتەردى وتكىزۋ مەن رەسىمدەۋدە ماسەلەلەر تىركەلگەن جوق»، — دەلىنگەن كومپانيانىڭ اگەنتتىك ساۋالىنا بەرگەن جاۋابىندا.
وڭىردەگى قازىرگى جاعدايعا بايلانىستى جۇك جونەلتۋشىلەر نەمەسە جۇك قابىلداۋشىلار تاراپىنان تاسىمالداۋعا بەرىلگەن وتىنىمدەردى قايتارىپ الۋ دەرەكتەرى بايقالماعان. يران تەمىرجولدارىنان الىنعان مالىمەتكە سايكەس، ەل اۋماعىنداعى تەمىرجول ينفراقۇرىلىمى قالىپتى جۇمىس ىستەپ جاتىر.
قتج توبىنا كىرەتىن KTZ Express لوگيستيكالىق كومپانياسى وتىنىمدەردى قابىلداۋ مەن وڭدەۋدى جالعاستىرۋدا. تاسىمالداۋ پروتسەسىن ودان ءارى ۇيىمداستىرۋ ءۇشىن قۇجاتتاردى يران تەمىرجولدارىنا ۋاقىتىلى تاپسىرۋدى قامتاماسىز ەتۋدە.
