يراننىڭ يسلام رەۆوليۋتسياسى ساقشىلار كورپۋسى (كسير) قولدايتىن Fars News اقپارات اگەنتتىگى ەلدىڭ يادرولىق تەجەۋ الەۋەتىنە قول جەتكىزۋى قازىرگى گەوساياسي جاعدايدا ماڭىزدى قاجەتتىلىك ەكەنىن مالىمدەدى، دەپ حابارلايدى "ادىرنا".
اگەنتتىك جاريالاعان تۇسىندىرمە ماقالادا يادرولىق تەجەۋ قابىلەتى يرانعا قارسى اسكەري ءىس-قيمىلداردىڭ الدىن الىپ، ەلدىڭ قاۋىپسىزدىگىن قامتاماسىز ەتۋگە مۇمكىندىك بەرەتىنى ايتىلعان. سونداي-اق مۇنداي قادام جاڭا الەمدىك ءتارتىپ قالىپتاسىپ جاتقان كەزەڭدە «قاجەتتى بەيبىتشىلىكتى» ساقتاۋعا ىقپال ەتەدى دەگەن پىكىر بىلدىرىلگەن.
Fars News مالىمەتىنشە، يادرولىق تەجەۋ يرانعا حالىقارالىق كەلىسسوزدەرگە اناعۇرلىم ءتيىمدى ۇستانىممەن قاتىسۋعا جول اشادى. اگەنتتىك بۇل فاكتوردىڭ وزگە داۋلى ماسەلەلەردى اسكەري ەمەس، ديپلوماتيالىق جولمەن شەشۋگە جاعداي جاسايتىنىن اتاپ وتكەن.
بۇدان بولەك، ماقالادا يادرولىق تەجەۋ يران، اقش جانە يزرايل اراسىنداعى كۇشتەر تەپە-تەڭدىگىن قالىپتاستىرىپ، ىقتيمال قاقتىعىستاردىڭ اۋقىمىن باقىلاۋدا ۇستاۋعا ىقپال ەتۋى مۇمكىن دەگەن بولجام كەلتىرىلگەن.
الايدا بۇل تۇجىرىمدار Fars News اگەنتتىگىنىڭ كوزقاراسى بولىپ تابىلادى. يران بيلىگى رەسمي تۇردە ەلدىڭ يادرولىق باعدارلاماسى بەيبىت ماقساتتارعا باعىتتالعانىن بىرنەشە رەت مالىمدەگەن.
