مەملەكەت باسشىسى قاسىم-جومارت توقاەۆ رەسەي پرەزيدەنتى ۆلاديمير پۋتينمەن تەلەفون ارقىلى سويلەستى. بۇل تۋرالى اقوردا جاريالادى، دەپ حابارلايدى "ادىرنا".
اڭگىمەلەسۋ بارىسىندا رەسەي پرەزيدەنتى مەملەكەت باسشىسىن قازاقستان رەسپۋبليكاسىنىڭ جاڭا كونستيتۋتسياسىن قابىلداۋ بويىنشا جالپىۇلتتىق رەفەرەندۋمنىڭ تابىستى وتۋىمەن قۇتتىقتادى.
"پرەزيدەنتتەر ءوزارا قارىم-قاتىناستىڭ كۇن ءتارتىبىن تالقىلادى. قاسىم-جومارت توقاەۆ رەسەي پرەزيدەنتىنىڭ مامىر ايىنىڭ سوڭىندا قازاقستانعا جوسپارلاعان مەملەكەتتىك ساپارى ەكى ەل اراسىنداعى ستراتەگيالىق سەرىكتەستىك پەن وداقتاستىق بايلانىستاردى نىعايتۋ تۇرعىسىنان ايرىقشا مانگە يە ەكەنىن اتاپ ءوتتى.
ۆلاديمير پۋتين استانادا وتەتىن الداعى كەلىسسوزدەرگە بەرىلگەن مۇنداي باعامەن كەلىسەتىنىن جەتكىزىپ، ەكىجاقتى ىنتىماقتاستىق بارلىق ستراتەگيالىق سالادا قارقىن العانىنا نازار اۋداردى", دەلىنگەن اقوردا حابارلاماسىندا.
ال كرەمل حابارلاماسىندا قازاقستاننىڭ ەۋرازيا ەكونوميكالىق وداعىنداعى توراعالىعى تالقىلانعانى دا ايتىلعان.
