قىرعىزستاندا قىرعىز حالقىنىڭ تاريحىنا ارنالعان 15 تومدىق ىرگەلى ەڭبەكتىڭ جوباسى بەكىتىلدى، دەپ حابارلايدى «ادىرنا» ءتىلشىسى 24.kg سايتىنا سىلتەمە جاساپ.
پرەزيدەنت جانىنداعى تاريحي عىلىمدى دامىتۋ جونىندەگى كوميسسيانىڭ وتىرىسى مەملەكەتتىك حاتشى ارسىلان قويشيەۆتىڭ توراعالىعىمەن ءوتتى. كەزدەسۋ بارىسىندا باسىلىمنىڭ قۇرىلىمى مەن نەگىزگى باعىتتارى بەكىتىلىپ، اۆتورلار ۇجىمى مەن قولجازبالاردى دايىنداۋ مەرزىمدەرى ايقىندالدى.
سونىمەن قاتار قاتىسۋشىلار تاريحي-مادەني مۇرانى دارىپتەۋ ماسەلەلەرىن دە تالقىلادى. اتاپ ايتقاندا، بىشكەكتە كونە قىرعىز جازبا ەسكەرتكىشتەرىنە ارنالعان ينستاللياتسيالىق كەشەن قۇرۋ باستاماسى قاراستىرىلدى.
وتىرىس قورىتىندىسى بويىنشا ءتيىستى مەملەكەتتىك ورگاندارعا ناقتى تاپسىرمالار بەرىلدى.
ۇقساس جاڭالىقتار
