اقش مەملەكەتتىك حاتشىسى ماركو رۋبيو پاريجدە وتكەن G7 سىرتقى ىستەر مينيسترلەرىنىڭ كەزدەسۋىندە يرانمەن سوعىستىڭ تاعى ەكى–تورت اپتاعا سوزىلۋى مۇمكىن ەكەنىن ايتتى، دەپ حابارلايدى "ادىرنا" ۇلتتىق پورتالى.
G7 ەلدەرىنىڭ سىرتقى ىستەر مينيسترلەرى يراندى ورمۇز بۇعازىن اشۋعا شاقىردى. ولار شەشىم تابۋ ءۇشىن اقش-پەن بىرلەسىپ جۇمىس ىستەيتىنىن ايتتى. ماركو رۋبيو بۇعازدى بلوكادادان شىعارۋ ىسىنە اقش قاتىسۋعا دايىن ەكەنىن، بىراق پروتسەستى مىندەتتى تۇردە باسقارمايتىنىن اتاپ ءوتتى.
ۇلىبريتانيانىڭ سىرتقى ىستەر ءمينيسترى يۆەتت كۋپەر G7 كەزدەسۋىندە يران ورمۇز بۇعازىن جاۋىپ، «الەمدىك ەكونوميكانى كەپىلگە الا المايدى» دەپ مالىمدەدى. گەرمانيا سىرتقى ىستەر ءمينيسترى يوحانن ۆادەفۋل اقش-پەن كەلىسىمدە ەكەنىن، يران يادرولىق قارۋعا يە بولماۋى جانە ايماققا قاۋىپ توندىرمەۋى كەرەگىن ايتتى.
اقش بارلاۋ دەرەكتەرىنە سايكەس، ءبىر ايعا جۋىق سوعىستان كەيىن يراننىڭ زىمىران ارسەنالىنىڭ شامامەن ۇشتەن ءبىر بولىگى جويىلدى.
سونىمەن قاتار پارسى شىعاناعى ەلدەرى يراننىڭ زىمىران جانە درون شابۋىلدارىن تىركەدى. ساۋد ارابياسى، كۋۆەيت، ءباا جانە باحرەين اۋە قورعانىس جۇيەلەرى ارقىلى شابۋىلداردى تويتارعانىن حابارلادى.
