31 ناۋرىز ازەربايجاندا 1918 جىلعى قايعىلى وقيعالاردا قازا تاپقانداردى ەسكە الۋ كۇنى رەتىندە اتالىپ وتەدى، دەپ حابارلايدى "ادىرنا" ۇلتتىق پورتالى.
بيىل سول وقيعالارعا 108 جىل تولىپ وتىر.
رەسمي دەرەكتەرگە سايكەس، 1918 جىلدىڭ 30 ناۋرىزى مەن 3 ءساۋىرى ارالىعىندا باكۋ قالاسىندا جانە باكين گۋبەرنياسىنىڭ بىرقاتار وڭىرلەرىندە، سونداي-اق شاماحى، گۋبا، حاچماز، لەنكوران، ساليان، زانگەزۋر، قاراباق، ناحچىۆان ايماقتارىندا جاپپاي قاقتىعىستار بولعان.
ازەربايجان دەرەككوزدەرىنىڭ مالىمەتىنشە، بۇل وقيعالار بارىسىندا شامامەن 12 مىڭعا جۋىق ادام قازا تاۋىپ، ونداعان مىڭ ادام حابار-وشارسىز كەتكەن. سونىمەن قاتار تاريحي جانە ساۋلەت ەسكەرتكىشتەرى، ءدىني نىساندار زاقىمدانعانى ايتىلادى.
اتالعان كەزەڭ رەسەي يمپەرياسىنداعى 1917 جىلعى رەۆوليۋتسيالاردان كەيىنگى ساياسي تۇراقسىزدىقپەن تۇسپا-تۇس كەلگەن. وسى جاعدايدا ايماقتا ءارتۇرلى قارۋلى توپتار مەن ساياسي كۇشتەردىڭ قاقتىعىستارى كۇشەيگەن.
تاۋەلسىزدىك العاننان كەيىن ازەربايجان بۇل وقيعالارعا رەسمي باعا بەرىپ، 1998 جىلى گەيدار اليەۆتىڭ جارلىعىمەن 31 ناۋرىز «ازەربايجاندار گەنوتسيدى كۇنى» رەتىندە جاريالاندى.
