ۇلان-باتىر قالاسىندا قازاقستان مەن موڭعوليا ۇلتتىق وليمپيادالىق كوميتەتتەرى (ۇوك) باسشىلارىنىڭ رەسمي جۇمىس كەزدەسۋى ءوتتى. ەكى ەل اراسىنداعى سپورتتىق ىنتىماقتاستىقتى نىعايتۋدى كوزدەگەن بۇل جيىندا الەمگە تانىمال بوكسشى، قازاقستان ۇوك پرەزيدەنتى گەننادي گولوۆكين ەرەكشە قۇرمەتكە يە بولدى، دەپ حابارلايدى “ادىرنا”.
قازاقستان دەلەگاتسياسىن ۇوك پرەزيدەنتى گەننادي گولوۆكين مەن ۇيىمنىڭ باس حاتشىسى ءالىمجان اقاەۆ باستاپ باردى. موڭعوليا تاراپىنان كەزدەسۋگە ۇوك ءبىرىنشى ۆيتسە-پرەزيدەنتى چويجگاۆااگين نارانبااتار جانە باس حاتشى بادار-ۋگان ەنحبات قاتىستى.
كەلىسسوزدەر بارىسىندا تاراپتار تومەندەگىدەي ماسەلەلەردى تالقىلادى:
- ەكى ەلدىڭ سپورت ۇيىمدارى اراسىنداعى سەرىكتەستىكتى كەڭەيتۋ;
- ىنتىماقتاستىق تۋرالى ارنايى مەموراندۋم ازىرلەپ، قول قويۋ;
- سپورت سالاسىنداعى بىرلەسكەن باستامالار مەن تاجىريبە الماسۋ باعدارلامالارىن جۇزەگە اسىرۋ.
ء«بىز ءاردايىم ءوزارا cەرىكتەستىككە اشىقپىز. كورشىلەس ەلدەر اراسىنداعى جاقسى قارىم-قاتىناستى جوعارى باعالايمىز. ىنتىماقتاستىقتىڭ جۇيەلى دامۋى وليمپيادالىق قوزعالىسقا تىڭ سەرپىن بەرەدى دەپ سەنەمىن»، – دەپ اتاپ ءوتتى گەننادي گولوۆكين.
سپورتتى دامىتۋعا جانە حالىقارالىق بايلانىستى نىعايتۋعا قوسقان زور ۇلەسى ءۇشىن موڭعول تاراپى گەننادي گولوۆكينگە موڭعوليا ۇوك-ءنىڭ جوعارى ناگراداسى «التان وچير» (التىن گاۋھار) وردەنىن تابىستادى.
سونداي-اق قازاقستان ۇوك باس حاتشىسى ءالىمجان اقاەۆ ۇيىمنىڭ 70 جىلدىعىنا وراي بەلگىلەنگەن مەرەيتويلىق مەدالمەن ماراپاتتالدى.
