اننەكسيالانعان قىرىمدا ان-26 اسكەري-كولىك ۇشاعىنىڭ اپاتى كەزىندە گەنەرال-لەيتەنانت الەكساندر وتروششەنكو قازا تاپتى. بۇل تۋرالى مۋرمانسك وبلىسىنىڭ گۋبەرناتورى اندرەي چيبيس مالىمدەدى، دەپ حابارلايدى «ادىرنا» ءتىلشىسى.
ان-26 ۇشاعى 31 ناۋرىز كۇنى جوسپارلى ۇشۋ كەزىندە اپاتقا ۇشىراعان ەدى. قورعانىس مينيسترلىگىنىڭ مالىمەتىنشە، بورتتا 29 ادام بولعان. ۆەدومستۆو ۇشاققا «سىرتقى سوققى اسەرى بولماعانىن» مالىمدەدى.
«مەديازونا» باسىلىمى مەن BBC-ءدىڭ ورىس قىزمەتىنىڭ ەسەبىنە سايكەس، الەكساندر وتروششەنكو – رەسەيدىڭ ۋكرايناعا قارسى تولىق اۋقىمدى سوعىسى باستالعالى بەرى قازا تاپقان رەسەي ارمياسىنىڭ بەسىنشى گەنەرال-لەيتەنانتى. ول 2010–2013 جىلدارى رەسەيدىڭ قارا تەڭىز فلوتىنىڭ تەڭىز اۆياتسياسىن باسقارعان، كەيىن سولتۇستىك فلوتتىڭ تەڭىز اۆياتسياسىن باسقارۋعا تاعايىندالىپ، رەسەي اۋە-عارىش كۇشتەرىنىڭ 45-ارمياسىن باسقارعان. گەنەرال-لەيتەنانت اتاعى وعان 2019 جىلى بەرىلگەن، ال بەس جىلدان كەيىن سولتۇستىك فلوتتىڭ ارالاس اۆياتسيالىق كورپۋسىنىڭ كومانديرى بولىپ تاعايىندالعان.
The Insider باسىلىمىنىڭ مالىمەتىنشە، وتروششەنكو 2014 جىلى قىرىمدى اننەكسيالاۋعا جانە رەسەيدىڭ سيرياداعى اسكەري وپەراتسياسىنا قاتىسقان.
