مەملەكەت باسشىسى قاسىم-جومارت توقاەۆ اقش پەن يراننىڭ بىتىمگە كەلۋىن قۇپتايدى. بۇل تۋرالى پرەزيدەنتتىڭ ءباسپاسوز حاتشىسى ايبەك سمادياروۆ مالىمدەدى، دەپ حابارلايدى «ادىرنا» ءتىلشىسى.
«پرەزيدەنت قاسىم-جومارت توقاەۆ پاكىستان پرەمەر-ءمينيسترى شاحباز شاريف پەن پاكىستان قارۋلى كۇشتەرىنىڭ باس قولباسشىسى، فەلدمارشال اسيم ءمۋنيردىڭ ارااعايىندىعى ارقىلى تاياۋ شىعىستاعى سوعىستى تولىق توقتاتۋ جانە بىتىمگە كەلۋ تۋرالى كەلىسىمگە قول جەتكىزىلۋىن قۇپتايدى. بۇل كەلىسىم اقش پرەزيدەنتى دونالد ترامپتىڭ جانە يراننىڭ جوعارعى باسشىلىعىنىڭ، سونداي-اق اسكەري قاقتىعىسقا قاتىسقان ەلدەردىڭ ىزگى نيەتى مەن پاراساتتىلىعىنىڭ ارقاسىندا مۇمكىن بولدى»،-دەلىنگەن حابارلامادا.
مەملەكەت باسشىسى الەمدىك ساۋدانىڭ دامۋىنا جانە بارلىق مەملەكەتتىڭ ەكونوميكالىق وركەندەۋىنە جاعداي جاساۋ ماقساتىندا قول جەتكىزىلگەن بىتىمگەرشىلىك كەلىسىمنىڭ ۇزاق مەرزىمدى سيپاتقا يە بولاتىنىنا ءۇمىت بىلدىرگەن.
ەسكە سالايىق، بۇعان دەيىن اقش پەن يراننىڭ ۋاقىتشا بىتىمگە كەلگەنىن جازعان ەدىك.
