مەملەكەت باسشىسى قاسىم-جومارت توقاەۆ جوعارى مەملەكەتتىك ماراپاتتار قاتارىنا ء"ال-فارابي" وردەنىن ەنگىزۋدى ۇسىندى. بۇل تۋرالى اقوردا جازدى، دەپ حابارلايدى “ادىرنا”.
پرەزيدەنتتىڭ ايتۋىنشا، قازاق دالاسى كوپتەگەن كەمەڭگەر تۇلعالاردىڭ مەكەنى بولعان، ولاردىڭ ىشىندە الەمگە ايگىلى ويشىل ءال-ءفارابيدىڭ ورنى ەرەكشە.
"ونىڭ مۇراسى – بۇكىل ادامزاتتىڭ اسىل قازىناسى، وركەنيەت ويىنىڭ شىڭى", – دەدى مەملەكەت باسشىسى.
قاسىم-جومارت توقاەۆ وسىعان وراي جوعارى مەملەكەتتىك ماراپاتتار تىزىمىنە ارنايى ء"ال-فارابي" وردەنىن ەنگىزۋ قاجەتتىگىن اتاپ ءوتتى.
پرەزيدەنتتىڭ ايتۋىنشا، بۇل ماراپات ءبىلىم مەن عىلىم، مادەنيەت پەن رۋحانيات سالالارىندا زور جەتىستىككە جەتكەن ازاماتتارعا بەرىلەدى.
سونداي-اق مەملەكەت باسشىسى "مەيىرىم", "قوجا احمەت ياساۋي" جانە ء"ال-فارابي" وردەندەرى بيىل العاش رەت رەسپۋبليكا كۇنى قارساڭىندا تابىستالاتىنىن جەتكىزدى.
