بۇگىن وڭىردە «تازا قازاقستان» باعدارلاماسى اياسىندا اۋماقتاردى تازارتۋ، كوگالداندىرۋ جانە ەلدى مەكەندەردى سانيتارلىق تازالاۋ جۇمىستارى ۇيىمداستىرىلدى.
سونىمەن قاتار بەكىتىلگەن جوسپارعا سايكەس پانفيلوۆ اۋدانىندا «7 OZEN» ەكولوگيالىق اكتسياسى وتكىزىلىپ، ىلە وزەنىنىڭ ارناسى تازارتىلدى. ووعان 50 ادام، 2 بىرلىك ارنايى تەحنيكا جۇمىلدىرىلىپ، 25 توننا قاتتى تۇرمىستىق قالدىق شىعارىلدى.
سونداي-اق حالىقتىڭ ەكولوگيالىق مادەنيەتىن ارتتىرۋعا، قورشاعان ورتاعا ۇقىپتى قاراۋدى قالىپتاستىرۋعا جانە ەلدى مەكەندەردىڭ ەكولوگيالىق جاعدايىن جاقسارتۋعا باعىتتالعان «تازا قازاقستان» جالپىۇلتتىق باستاماسىن ىسكە اسىرۋ شەڭبەرىندە تالدىقورعان، تەكەلى، سارقان، جاركەنت، ۇشتوبە جانە ءۇشارال قالالارىندا «تازا قالا» ەكولوگيالىق اكتسياسى وتكىزىلدى.
اتالعان ءىس-شارا قالا اۋماقتارىن سانيتارلىق تازارتۋعا، اۋلالار مەن قوعامدىق كەڭىستىكتەردى اباتتاندىرۋعا، سونداي-اق حالىقتى، ەرىكتىلەردى، ۇيىمدار مەن قوعامدىق بىرلەستىكتەر وكىلدەرىن تارتا وتىرىپ، اۋماقتاردى كوگالداندىرۋعا باعىتتالدى.
اكتسيا قورىتىندىسى بويىنشا 2 800 ادام قاتىستى، 41 بىرلىك تەحنيكا تارتىلىپ، 101 توننا قوقىس شىعارىلدى، 1 710 اعاش كوشەتتەرى وتىرعىزىلدى.
وبلىس بويىنشا تازارتۋ جانە كوگالداندىرۋ ءىس-شارالارى باستالعاننان بەرى 51 مىڭنان استام ادام قاتىسىپ، 913 بىرلىك تەحنيكا جۇمىلدىرىلدى. ناتيجەسىندە 1 044 گەكتار اۋماق تازارتىلىپ، 4 مىڭ توننا قوقىس شىعارىلىپ، 40,9 مىڭ اعاش كوشەتى وتىرعىزىلدى.
جەتىسۋ وبلىسىندا «تازا قازاقستان» باعدارلاماسىن ىسكە اسىرۋ جالعاسۋدا جانە ەرەكشە باقىلاۋدا. اتالعان اكتسيا وڭىردەگى ەكولوگيالىق جاعدايدى جاقسارتۋعا جانە حالىقتىڭ قورشاعان ورتاعا جاۋاپتى كوزقاراسىن قالىپتاستىرۋعا باعىتتالعان.
