شىعىس قازاقستان وبلىسىندا قورشاعان ورتانى قورعاۋعا، ەكولوگيالىق مادەنيەتتى قالىپتاستىرۋعا جانە ەلدى مەكەندەردى اباتتاندىرۋعا باعىتتالعان رەسپۋبليكالىق «تازا قازاقستان» ەكولوگيالىق اكتسياسى جالعاسۋدا.
اكتسيا اياسىندا جۋراۆليحا وزەنىنىڭ جاعالاۋىندا اۋماقتى تازارتۋ جانە اباتتاندىرۋ بويىنشا اۋقىمدى جۇمىس جۇرگىزىلدى. ەكولوگيالىق باستاماعا 150 ادام قاتىسىپ، جاعالاۋ اۋماعىن، دەمالىس ورىندارىن جانە وعان ىرگەلەس اۋماقتاردى تازارتتى. جۇمىستارعا 3 ارنايى تەحنيكا جۇمىلدىرىلىپ، ناتيجەسىندە شامامەن 3 توننا قوقىس جينالىپ، شىعارىلدى.
ءىس-شارانىڭ الدىندا «تازا قازاقستان» يدەولوگياسى اياسىندا اقپاراتتىق كەزدەسۋ ءوتتى. كورىتكو ولگا الەكساندروۆنا مەن قۇستاەۆا ايناگۇل تولەۋتايقىزى قاتىسۋشىلارعا ەكولوگيالىق باستامانىڭ ماڭىزى، تابيعاتقا ۇقىپتى قاراۋ جانە قورشاعان ورتانىڭ تازالىعىن ساقتاۋداعى ءار ادامنىڭ جاۋاپكەرشىلىگى تۋرالى ايتىپ بەردى.
تابيعاتى كوركەم، ەكولوگيالىق الەۋەتى جوعارى شىعىس قازاقستان وبلىسى ءۇشىن قورشاعان ورتانى قورعاۋ ماسەلەسى ەرەكشە ماڭىزعا يە. سوندىقتان مۇنداي اكتسيالار تەك بەلگىلى ءبىر اۋماقتى تازارتۋمەن شەكتەلمەي، تۇرعىنداردىڭ ەكولوگيالىق مادەنيەتىن قالىپتاستىرۋعا جانە تۋعان ولكەنى ايالاۋعا دەگەن جاۋاپكەرشىلىكتى ارتتىرۋعا ىقپال ەتەدى.
«تازا قازاقستان» – ورتاق ماقساتقا بىرىكتىرەتىن ماڭىزدى باستاما. تازا اۋلا، تازا كوشە، تازا جاعالاۋ – بارلىعى ءار ادامنىڭ كۇندەلىكتى ارەكەتىنەن باستالادى.
جۋراۆليحا وزەنىنىڭ جاعالاۋىنداعى اكتسيا تاعى ءبىر مارتە بىرلەسكەن ەڭبەكتىڭ ناقتى ناتيجەگە جەتكىزەتىنىن كورسەتتى. تۇرعىنداردىڭ بەلسەندىلىگى مەن تابيعاتقا دەگەن جاناشىرلىعى قورشاعان ورتانى تازا ءارى جايلى ەتۋگە مۇمكىندىك بەرەدى.
تازا ءارى كورىكتى شىعىس قازاقستان – بارشامىزعا ورتاق جاۋاپكەرشىلىك!
