شىعىس قازاقستان وبلىسىندا كۇرشىم اۋدانىندا «تازا قازاقستان» جالپىۇلتتىق باستاماسى اياسىندا ەكولوگيالىق مادەنيەتتى قالىپتاستىرۋ، قورشاعان ورتانى قورعاۋ جانە تۇرعىنداردىڭ تابيعات الدىنداعى جاۋاپكەرشىلىگىن ارتتىرۋ ماقساتىندا «تازا قازاقستان – ەكولوگيالىق مادەنيەت جانە قورشاعان ورتاعا جاۋاپكەرشىلىكپەن قاراۋ» تاقىرىبىندا دوڭگەلەك ۇستەل ۇيىمداستىرىلدى.
ءىس-شارانىڭ نەگىزگى ماقساتى – اۋدان تۇرعىندارى اراسىندا ەكولوگيالىق مادەنيەتتى ناسيحاتتاۋ، قورشاعان ورتانىڭ تازالىعىن ساقتاۋ ماسەلەلەرىن تالقىلاۋ، تابيعاتتى قورعاۋ باعىتىنداعى قوعامدىق جاۋاپكەرشىلىكتى ارتتىرۋ جانە اۋداننىڭ ەكولوگيالىق احۋالىن جاقسارتۋعا باعىتتالعان ۇسىنىستار ازىرلەۋ.
كەزدەسۋ بارىسىندا «تازا قازاقستان» جالپىۇلتتىق باستاماسىنىڭ ماڭىزى مەن نەگىزگى باعىتتارى تانىستىرىلىپ، تۋعان جەردىڭ تابيعاتىن قورعاۋ، ەلدى مەكەندەردىڭ سانيتارلىق تازالىعىن ساقتاۋ، قورشاعان ورتانى لاستاۋ فاكتىلەرىنىڭ الدىن الۋ جانە ەكولوگيالىق قۇقىق بۇزۋشىلىقتارعا جول بەرمەۋ ماسەلەلەرى قوزعالدى.
ءىس-شارا اياسىندا كۇرشىم اۋىلدىق وكرۋگى اكىمى اپپاراتىنىڭ باس مامانى تىلەۋجان سوۆەتقانوۆا، سونداي-اق اۋداننىڭ ساۋلەت، قۇرىلىس، تۇرعىن ءۇي-كوممۋنالدىق شارۋاشىلىق، جولاۋشىلار كولىگى جانە اۆتوموبيل جولدارى ءبولىمىنىڭ باس مامانى تولقىن يسكاكوۆا بايانداما جاساپ، ءوز سالالارى بويىنشا اتقارىلىپ جاتقان جۇمىستار مەن وزەكتى ماسەلەلەردى اتاپ ءوتتى. ال قوعامدىق كەڭەس مۇشەسى ۋلمەسەكوۆ باكىتحان فازىلوۆيچ جاستاردىڭ ەكولوگيالىق اكتسيالارعا بەلسەندى قاتىسۋىنىڭ ماڭىزدىلىعىنا توقتالدى. سونداي-اق اۋدان تۇرعىندارىنا قورشاعان ورتانىڭ تازالىعىن ساقتاۋ، تابيعاتتى قورعاۋ جانە ەكولوگيالىق مادەنيەتتى قالىپتاستىرۋ باعىتىندا بىرقاتار ۇسىنىستارىن ءبىلدىردى.
سونىمەن قاتار قاتىسۋشىلار اراسىندا اشىق پىكىر الماسۋ ۇيىمداستىرىلىپ، اۋدان اۋماعىنداعى ەكولوگيالىق ماسەلەلەر، رۇقسات ەتىلمەگەن قوقىس ورىندارىنىڭ الدىن الۋ، تۇرعىنداردىڭ تازالىق مادەنيەتىن ارتتىرۋ، جاستار مەن ەرىكتىلەردى ەكولوگيالىق ءىس-شارالارعا تارتۋ جانە «تازا كۇرشىم» باستاماسىن جۇيەلى تۇردە جۇزەگە اسىرۋ جولدارى تالقىلاندى.
كەزدەسۋ بارىسىندا تۇرعىنداردىڭ ۇسىنىستارى مەن پىكىرلەرىن جيناقتاۋ ماقساتىندا ارنايى QR-كود ارقىلى ەكولوگيالىق ساۋالناما ۇسىنىلدى. بۇل باستاما اۋداننىڭ ەكولوگيالىق جاعدايىن جاقسارتۋعا قاتىستى قوعامدىق پىكىردى زەردەلەۋگە جانە تۇرعىنداردىڭ ۇسىنىستارىن الداعى جۇمىستاردا ەسكەرۋگە مۇمكىندىك بەرەدى.
ءىس-شارانىڭ پراكتيكالىق بولىمىندە «مەن تازا قازاقستان ءۇشىن...» اتتى ينتەراكتيۆتى ەكولوگيالىق باستاما وتكىزىلدى. قاتىسۋشىلار ءتۇرلى ءتۇستى جاپسىرمالارعا تابيعاتتى قورعاۋ مەن تازالىقتى ساقتاۋعا قاتىستى جەكە مىندەتتەمەلەرىن جازىپ، ارنايى تاقتاعا ورنالاستىردى. اتاپ ايتقاندا، قوقىستى بەلگىلەنگەن ورىندارعا تاستاۋ، اعاش وتىرعىزۋ، تابيعاتتى لاستاماۋ، تازالىق اكتسيالارىنا قاتىسۋ جانە جاستار اراسىندا ەكولوگيالىق مادەنيەتتى ناسيحاتتاۋ باعىتىنداعى ۇسىنىستار ايتىلدى.
دوڭگەلەك ۇستەل قورىتىندىسى بويىنشا قاتىسۋشىلاردىڭ ۇسىنىستارىن نازارعا الۋ، ەكولوگيالىق مادەنيەتتى قالىپتاستىرۋ جۇمىستارىن جۇيەلى تۇردە جالعاستىرۋ، قوعامدىق باقىلاۋدى كۇشەيتۋ جانە تۇرعىنداردى قورشاعان ورتانى قورعاۋ شارالارىنا بەلسەندى تارتۋ قاجەتتىگى اتاپ ءوتىلدى.
