Şyǧys Qazaqstan oblysynda Kürşım audanynda «Taza Qazaqstan» jalpyūlttyq bastamasy aiasynda ekologiialyq mädeniettı qalyptastyru, qorşaǧan ortany qorǧau jäne tūrǧyndardyŋ tabiǧat aldyndaǧy jauapkerşılıgın arttyru maqsatynda «Taza Qazaqstan – ekologiialyq mädeniet jäne qorşaǧan ortaǧa jauapkerşılıkpen qarau» taqyrybynda döŋgelek üstel ūiymdastyryldy.
Is-şaranyŋ negızgı maqsaty – audan tūrǧyndary arasynda ekologiialyq mädeniettı nasihattau, qorşaǧan ortanyŋ tazalyǧyn saqtau mäselelerın talqylau, tabiǧatty qorǧau baǧytyndaǧy qoǧamdyq jauapkerşılıktı arttyru jäne audannyŋ ekologiialyq ahualyn jaqsartuǧa baǧyttalǧan ūsynystar äzırleu.
Kezdesu barysynda «Taza Qazaqstan» jalpyūlttyq bastamasynyŋ maŋyzy men negızgı baǧyttary tanystyrylyp, tuǧan jerdıŋ tabiǧatyn qorǧau, eldı mekenderdıŋ sanitarlyq tazalyǧyn saqtau, qorşaǧan ortany lastau faktılerınıŋ aldyn alu jäne ekologiialyq qūqyq būzuşylyqtarǧa jol bermeu mäselelerı qozǧaldy.
Is-şara aiasynda Kürşım auyldyq okrugı äkımı apparatynyŋ bas mamany Tıleujan Sovetqanova, sondai-aq audannyŋ säulet, qūrylys, tūrǧyn üi-kommunaldyq şaruaşylyq, jolauşylar kölıgı jäne avtomobil joldary bölımınıŋ bas mamany Tolqyn İskakova baiandama jasap, öz salalary boiynşa atqarylyp jatqan jūmystar men özektı mäselelerdı atap öttı. Al qoǧamdyq keŋes müşesı Ulmesekov Bakythan Fazylovich jastardyŋ ekologiialyq aksiialarǧa belsendı qatysuynyŋ maŋyzdylyǧyna toqtaldy. Sondai-aq audan tūrǧyndaryna qorşaǧan ortanyŋ tazalyǧyn saqtau, tabiǧatty qorǧau jäne ekologiialyq mädeniettı qalyptastyru baǧytynda bırqatar ūsynystaryn bıldırdı.
Sonymen qatar qatysuşylar arasynda aşyq pıkır almasu ūiymdastyrylyp, audan aumaǧyndaǧy ekologiialyq mäseleler, rūqsat etılmegen qoqys oryndarynyŋ aldyn alu, tūrǧyndardyŋ tazalyq mädenietın arttyru, jastar men erıktılerdı ekologiialyq ıs-şaralarǧa tartu jäne «Taza Kürşım» bastamasyn jüielı türde jüzege asyru joldary talqylandy.
Kezdesu barysynda tūrǧyndardyŋ ūsynystary men pıkırlerın jinaqtau maqsatynda arnaiy QR-kod arqyly ekologiialyq saualnama ūsynyldy. Būl bastama audannyŋ ekologiialyq jaǧdaiyn jaqsartuǧa qatysty qoǧamdyq pıkırdı zerdeleuge jäne tūrǧyndardyŋ ūsynystaryn aldaǧy jūmystarda eskeruge mümkındık beredı.
Is-şaranyŋ praktikalyq bölımınde «Men taza Qazaqstan üşın...» atty interaktivtı ekologiialyq bastama ötkızıldı. Qatysuşylar türlı tüstı japsyrmalarǧa tabiǧatty qorǧau men tazalyqty saqtauǧa qatysty jeke mındettemelerın jazyp, arnaiy taqtaǧa ornalastyrdy. Atap aitqanda, qoqysty belgılengen oryndarǧa tastau, aǧaş otyrǧyzu, tabiǧatty lastamau, tazalyq aksiialaryna qatysu jäne jastar arasynda ekologiialyq mädeniettı nasihattau baǧytyndaǧy ūsynystar aityldy.
Döŋgelek üstel qorytyndysy boiynşa qatysuşylardyŋ ūsynystaryn nazarǧa alu, ekologiialyq mädeniettı qalyptastyru jūmystaryn jüielı türde jalǧastyru, qoǧamdyq baqylaudy küşeitu jäne tūrǧyndardy qorşaǧan ortany qorǧau şaralaryna belsendı tartu qajettıgı atap ötıldı.
