Zaŋdy qūrmetteu, qūqyqtyq mädeniet pen jeke jauapkerşılık bala kezden qalyptasady. Şyǧys Qazaqstan oblysynda bastau alǧan PVE LABS jobasy jasöspırımderdı ömırlık kürdelı jaǧdailarda dūrys şeşım qabyldauǧa, terıs yqpaldarǧa qarsy tūruǧa jäne öz äreketterıne jauapkerşılıkpen qarauǧa üiretedı. Joba aiasynda kemınde 220 oquşyny qamtu josparlanyp otyr.
Bastama «Zaŋ men tärtıp» ideologemasy aiasynda jüzege asyrylyp, jasöspırımderdıŋ qūqyqtyq sauattylyǧyn arttyruǧa, qūqyq būzuşylyqtar men zorlyq-zombylyqtyŋ aldyn aluǧa baǧyttalǧan.
Jobanyŋ erekşelıgı – oqytu üderısınıŋ täjıribege negızdeluı. Dästürlı därısterdıŋ ornyna oquşylarǧa qūrdastarynyŋ qysymy, äleumettık jelılerdegı qauıptı ūsynystar men janjaldar siiaqty kündelıktı ömırde kezdesetın jaǧdailardy taldau ūsynylady. Osy arqyly olar öz äreketterınıŋ saldaryn baǧalap, mäselelerdı zaŋ aiasynda şeşu joldaryn üirenedı.
Joba Ortalyq Aziiadaǧy zorlyq-zombylyq ekstremizmınıŋ aldyn aluǧa baǧyttalǧan PREVECA II halyqaralyq baǧdarlamasy aiasynda Germaniia halyqaralyq yntymaqtastyq qoǧamymen (GIZ) jäne Qazaqstan Respublikasy Işkı ıster ministrlıgımen ärıptestıkte jüzege asyryluda.
Qor direktory Olga Sviridenkonyŋ aituynşa, alǧaşqy qūqyqtyq lager Öskemen qalasynda jūmysyn bastady. Aldaǧy uaqytta osyndai lagerler Glubokoe audanyndaǧy Belousovka kentınde, Ridder qalasynda jäne Altai audanynda ūiymdastyrylady. Jalpy, tört aumaqta kemınde 220 oquşyny qamtu közdelgen.
«Bız balalarǧa zaŋnyŋ tek jazalau üşın emes, eŋ aldymen qauıpsızdıktı qamtamasyz etu üşın qajet ekenın tüsındırgımız keledı. Sondyqtan qūqyqtyq lagerlerde dästürlı därıster men seminarlar ötkızılmeidı. Polisiia jäne prokuratura ökılderımen bırlesıp, jasöspırımder kündelıktı ömırde tap boluy mümkın naqty jaǧdailardy taldap, olardyŋ aldyn alu joldaryn qarastyramyz», – dedı Olga Borisovna.
Oqytuǧa polisiia jäne prokuratura qyzmetkerlerı, psihologtar, mediasauattylyq pen zorlyq-zombylyq ekstremizmınıŋ aldyn alu salasyndaǧy mamandar, sondai-aq Almaty qalasyndaǧy Işkı ıster ministrlıgı akademiiasynyŋ ökılderı qatysady.
Baǧdarlama syni oilau, qūqyqtyq jäne mediasauattylyq, janjaldardy şeşu jäne ekstremistık körınısterdıŋ aldyn alu baǧyttaryn qamtidy.
Sonymen qatar oquşylardyŋ öz bastamalaryna qoldau körsetıledı. Qatysuşylar ūsynǧan üzdık jobalar ırıktelıp, olardy jüzege asyruǧa mümkındık berıledı. Būl jasöspırımderdıŋ qūqyqtyq bılımderın mektep ömırındegı naqty mäselelerdı şeşude qoldanuyna jol aşady.
PVE LABS jobasynyŋ negızgı nätijesı – tek qatysuşylar sanymen emes, olardyŋ boiynda zaŋdy qūrmetteu, qauıpsız mınez-qūlyq jäne azamattyq jauapkerşılık mädenietınıŋ qalyptasuymen ölşenbek.
Osylaişa, joba «Zaŋ men tärtıp» qaǧidattaryn mektep ortasynda nyǧaituǧa jäne öz qūqyqtary men mındetterın bıletın, özgelerdıŋ qūqyǧyn qūrmetteitın jauapty ūrpaq tärbieleuge baǧyttalǧan.
