Shyǵys Qazaqstan oblysynda 232 myńǵa jýyq adamnyń zeınetaqysy ósti. Bul týraly «Azamattarǵa arnalǵan úkimet» ShQO boıynsha fılıaly baspasóz qyzmeti málimdedi, dep habarlaıdy “Adyrna” ulttyq portaly.
Baspasóz qyzmetiniń aqparatynsha, elimizde «2022-2024 jyldarǵa arnalǵan respýblıkalyq bıýdjet týraly» zańǵa engizilgen ózgeristerge sáıkes aılyq eseptik kórsetkish, eń tómengi zeınetaqy, bazalyq zeınetaqynyń eń tómengi mólsheri, eń tómengi kúnkóris deńgeıi ósken. Soǵan oraı áleýmettik tólemaqylar kólemi de artty.
Múgedektigi jáne asyraýshysynan aıyrylýy boıynsha memlekettik áleýmettik járdemaqylar ósip otyr. Mysaly, I toptaǵy múgedekke beriletin járdemaqy 69 155-ten 71 787 teńgege ósti. Jańa týǵan balaǵa beriletin birjolǵy járdemaqy 116 394 teńgeden 120 840-qa artty.
«Shyǵys Qazaqstanda 232 myńǵa jýyq adamnyń zeınetaqysy ósti. Onyń ishinde, Óskemende – 67 574, Semeı qalasynda – 55 525 zeınetker. Múgedektigi boıynsha 38 631 jáne asyraýshysynan aırylǵan 14 759 adamnyń járdemaqysy ulǵaıdy. Jalpy, búgingi tańda óńir boıynsha arnaýly memlekettik járdemaqy alýshylar – 41 600, kópbalaly otbasylar – 18 861, alqamen marapattalǵan kópbalaly analar – 12 332, bir jasqa tolǵanǵa deıingi balanyń kútimine baılanysty járdemaqy alýshylar – 2403-di quraıdy», – deıdi fılıal dırektorynyń orynbasary Janat Ýmergalıeva.
Aıta ketsek, Shyǵys Qazaqstan oblysynyń ákimi Danıal Ahmetov Semeı qalasyn damytý baǵdarlamasyna 111 mlrd teńge qajettigin málimdegen edi.
”Adyrna” ulttyq portaly
