شىعىس قازاقستان وبلىسىندا 232 مىڭعا جۋىق ادامنىڭ زەينەتاقىسى ءوستى. بۇل تۋرالى «ازاماتتارعا ارنالعان ۇكىمەت» شقو بويىنشا فيليالى ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
ءباسپاسوز قىزمەتىنىڭ اقپاراتىنشا، ەلىمىزدە «2022-2024 جىلدارعا ارنالعان رەسپۋبليكالىق بيۋدجەت تۋرالى» زاڭعا ەنگىزىلگەن وزگەرىستەرگە سايكەس ايلىق ەسەپتىك كورسەتكىش، ەڭ تومەنگى زەينەتاقى، بازالىق زەينەتاقىنىڭ ەڭ تومەنگى مولشەرى، ەڭ تومەنگى كۇنكورىس دەڭگەيى وسكەن. سوعان وراي الەۋمەتتىك تولەماقىلار كولەمى دە ارتتى.
مۇگەدەكتىگى جانە اسىراۋشىسىنان ايىرىلۋى بويىنشا مەملەكەتتىك الەۋمەتتىك جاردەماقىلار ءوسىپ وتىر. مىسالى، ءى توپتاعى مۇگەدەككە بەرىلەتىن جاردەماقى 69 155-تەن 71 787 تەڭگەگە ءوستى. جاڭا تۋعان بالاعا بەرىلەتىن بىرجولعى جاردەماقى 116 394 تەڭگەدەن 120 840-قا ارتتى.
«شىعىس قازاقستاندا 232 مىڭعا جۋىق ادامنىڭ زەينەتاقىسى ءوستى. ونىڭ ىشىندە، وسكەمەندە – 67 574, سەمەي قالاسىندا – 55 525 زەينەتكەر. مۇگەدەكتىگى بويىنشا 38 631 جانە اسىراۋشىسىنان ايرىلعان 14 759 ادامنىڭ جاردەماقىسى ۇلعايدى. جالپى، بۇگىنگى تاڭدا ءوڭىر بويىنشا ارناۋلى مەملەكەتتىك جاردەماقى الۋشىلار – 41 600, كوپبالالى وتباسىلار – 18 861, القامەن ماراپاتتالعان كوپبالالى انالار – 12 332, بiر جاسقا تولعانعا دەيiنگى بالانىڭ كۇتiمiنە بايلانىستى جاردەماقى الۋشىلار – 2403-ءدى قۇرايدى»، – دەيدى فيليال ديرەكتورىنىڭ ورىنباسارى جانات ۋمەرگاليەۆا.
ايتا كەتسەك، شىعىس قازاقستان وبلىسىنىڭ اكىمى دانيال احمەتوۆ سەمەي قالاسىن دامىتۋ باعدارلاماسىنا 111 ملرد تەڭگە قاجەتتىگىن مالىمدەگەن ەدى.
”ادىرنا” ۇلتتىق پورتالى
