دەنساۋلىق ساقتاۋ ۆيتسە-ءمينيسترى ۆياچەسلاۆ دۋدنيك شىعىس قازاقستان وبلىسىنىڭ تۇرعىندارىمەن كەزدەستى، دەپ حابارلايدى «ادىرنا» ءتىلشىسى.
جيىن بارىسىندا ءوڭىردىڭ دەنساۋلىق ساقتاۋ سالاسىندا مەديتسينالىق كومەك كورسەتۋدى جەتىلدىرۋ، ءدارى-دارمەكپەن قامتۋ، ونكولوگيالىق اۋرۋلاردىڭ الدىن الۋ، انا مەن بالانى قورعاۋ، مامانداردىڭ بىلىكتىلىگىن ارتتىرۋ ماسەلەلەرى قوزعالدى.
ۆيتسە-مينيستر دەنساۋلىق ساقتاۋ ينفراقۇرىلىمىن ودان ءارى جاڭعىرتۋ ماسەلەسى بويىنشا وڭىردە اۋقىمدى جۇمىستار اتقارىلىپ جاتقانىن اتاپ ءوتتى.
«پرەزيدەنت ەلدەگى دەنساۋلىق ساقتاۋ ينفراقۇرىلىمىن ودان ءارى جاڭعىرتۋ، مەديتسينالىق قىزمەتتەر مەن ءدارى-دارمەك ساپاسىن ارتتىرۋ، ولاردىڭ حالىققا قولجەتىمدى بولۋىن قامتاماسىز ەتۋ بويىنشا تاپسىرما بەردى. شىعىس وڭىرىندە بۇل جۇمىستار جوعارى دەڭگەيدە اتقارىلىپ جاتىر»،—دەدى ول.
ۆياچەسلاۆ دۋدنيك شقو دارىگەرلەرىنىڭ سالىستىرمالى تۇردە جوعارى جالاقى الاتىنىن اتاپ ءوتتى.
«قازىر دارىگەرلەردىڭ ورتاشا جالاقىسى رەسپۋبليكا بويىنشا 580 مىڭ تەڭگە بولسا، شىعىس قازاقستاندا 600 مىڭ تەڭگەدەن جوعارى»،- دەدى ۆيتسە-مينيستر.
