قاراعاندىدا قىستان كەيىن كوشەلەردى كۇردەلى تازالاۋ قاعيداسى بويىنشا تارتىپكە كەلتىرۋ تۋرالى شەشىم قابىلداندى. جاڭا ءتاسىل «تازا قازاقستان» رەسپۋبليكالىق اكتسياسى اياسىندا ەنگىزىلۋدە. يدەيا قاراپايىم – ءبىر كوشەگە بىرنەشە رەت ورالۋ ەمەس، جولدىڭ ءجۇرۋ بولىگىن جۋعا دەيىن ءبارىن بىردەن جاساۋ. ءبىر ۋچاسكەگە ءبىر مەزگىلدە بارلىق قىزمەتتەر شىعادى.
پيلوتتىق جوباعا ءبىرىنشى بولىپ قازىبەك بي اتىنداعى اۋدانداعى جانعوزين كوشەسى ءتۇستى. ودان كەيىن احانوۆ پەن شاكىروۆ كوشەلەرىنە كەزەك كەلەدى. ودان ءارى فورماتتى بۇكىل قالاعا تاراتۋ جوسپارلانۋدا.
كۇردەلى جيناۋ ستسەناريى جاقسى رەتتەلگەن كونۆەيەرگە ۇقسايدى. الدىمەن قۇرعاق جانە اپاتتى بۇتاقتاردى، سونداي-اق وسكىندەردى كەسەتىن بريگادالار ىسكە كىرىسەدى.
ودان كەيىن – جارىقتاندىرۋ ماماندارى.
ودان كەيىن جۇمىسشىلار تروتۋارلاردى تازالايدى.
ال اقىرىندا – جول-كوممۋنالدىق تەحنيكا جۇمىس جاسايدى.
سونداي-اق، قوقىس شىعارۋعا جاۋاپتى كوممۋنالدىق قىزمەتكەرلەر قوسىلادى. جول بويىنداعى كونتەينەرلىك الاڭدار تازارتىلىپ قانا قويماي، دەزينفەكتسيالانادى.
– بۇل ءبىر رەتتىك اكتسيا ەمەس، قالالىق ورتانىڭ تيىمدىلىگى مەن ساپاسىن ارتتىرۋعا باعىتتالعان جۇمىستىڭ جاڭا فورماتى. «تازا قازاقستان» اكتسياسى اياسىندا كوشەلەردى جيناۋعا كەشەندى تۇردە كەلەمىز دەگەن شەشىم قابىلداندى. بۇگىن پيلوتتىق جوبا باستالادى. وسىلايشا باسقا كوشەلەردە دە جۇمىس ىستەيمىز، – دەپ اتاپ ءوتتى قازىبەك بي اتىنداعى اۋدان اكىمى ەرالى وسپانوۆ.
ەگەر تەحنيكاعا توقتاپ تۇرعان ماشينالار كەدەرگى كەلتىرسە، ماسەلەنى پوليتسيانىڭ كومەگىمەن شەشەدى. جولدى ۋاقىتشا جاۋىپ، يەلەرىن تاۋىپ، تازالاۋدى جالعاستىرادى.
اۋدان اكىمىنىڭ ايتۋىنشا، كۇردەلى جيناۋدان كەيىن كوممۋنالدىق قىزمەتكەرلەر كوشەگە قايتا ورالۋعا دايىن – تۇرعىنداردىڭ ءوتىنىشى بويىنشا دا، تۇنگى رەيدتەر اياسىندا دا جاڭا ماسەلەلەردى جەدەل شەشۋ ءۇشىن.
قاراعاندىدا ۇنەمى جاڭارتىلىپ وتىراتىن كوممۋنالدىق تەحنيكا پاركى قۇرىلدى. قازىبەك بي اۋدانىندا عانا ءۇش جول شاڭسورعىشى جۇمىس ىستەيدى. تروتۋارلاردى جۋعا ارنالعان ماشينالار دا بار.
