فوتو: pinterest.com
قازاقستاندا مەرەكەلىك كۇندەر قاتارى تاعى ءبىر جاڭا داتامەن تولىقتى. ۇكىمەتتىڭ 2026 جىلعى 15 ساۋىردەگى قاۋلىسىمەن ءتيىستى تىزبەگە وزگەرىستەر ەنگىزىلدى، دەپ حابارلايدى "ادىرنا".
قۇجاتقا سايكەس، ەندى جىل سايىن 3 قىركۇيەكتە قازاق تازىسى مەن توبەتى كۇنى اتاپ وتىلەدى. بۇل كۇن ۇلتتىق يت تۇقىمدارىن ساقتاۋ، ولاردى قورعاۋ جانە ناسيحاتتاۋ ماقساتىندا ەنگىزىلىپ وتىر.
قازاقى تازى مەن توبەت – حالقىمىزدىڭ مادەني مۇراسىنىڭ اجىراماس بولىگى سانالادى. تازى – اڭشىلىقتا پايدالانىلاتىن جۇيرىك ءارى ءتوزىمدى يت بولسا، توبەت – مال مەن ءۇي-جايدى قورعايتىن، باتىل ءارى سەنىمدى كۇزەتشى رەتىندە كەڭىنەن تانىمال.
جاڭا مەرەكە وسى اسىل تۇقىمدى يتتەرگە دەگەن قۇرمەتتى ارتتىرىپ، ولاردىڭ گەنەتيكالىق قورىن ساقتاۋعا، سونداي-اق ۇلتتىق قۇندىلىقتاردى دارىپتەۋگە باعىتتالعان.
ايتا كەتەيىك، اتالعان قاۋلى 2026 جىلعى 28 ساۋىردەن باستاپ رەسمي تۇردە كۇشىنە ەنەدى.
ۇقساس جاڭالىقتار
