مىڭنان استام مۋزىكانت «ەۆروۆيدەنيە-2026» بايقاۋىنا يزرايل قاتىسقان جاعدايدا بويكوت جاريالايتىندارىن ايتىپ، اشىق حاتقا قول قويدى. بۇل تۋرالى Defli جازدى، دەپ حابارلايدى «ادىرنا» ءتىلشىسى.
قول قويۋشىلار قاتارىندا پالوما فەيت، پول ۋەللەر، Massive Attack, Kneecap, سونداي-اق برايان ينو، پيتەر گەبريەل جانە ماكلمور بار.
ناۋقاندى «No Music For Genocide» (NMFG) باستاماشىل توبى ۇيلەستىرۋدە. ولار ەۋروپالىق حابار تاراتۋ وداعىن (EBU) ءيزرايلدى كونكۋرسقا قاتىستىرۋ تۋرالى شەشىمدى قايتا قاراۋعا شاقىرىپ وتىر.
گازا سەكتورىنداعى قاقتىعىسقا قاتىستى داۋلارعا قاراماستان، EBU 2025 جىلدىڭ كۇزىندە ءيزرايلدىڭ 2026 جىلعى بايقاۋعا قاتىساتىنىن راستاعان. بۇعان جاۋاپ رەتىندە يسپانيا، نيدەرلاند، سلوۆەنيا، يرلانديا جانە يسلانديا سياقتى بىرنەشە ەل 2026 جىلعى كونكۋرسقا قاتىسۋدان باس تارتاتىنىن مالىمدەگەن.
حات اۆتورلارى EBU شەشىمىن 2022 جىلى رەسەيدىڭ بايقاۋدان شەتتەتىلۋىمەن سالىستىرىپ، «قوس ستاندارت» دەپ باعالايدى. ولاردىڭ پىكىرىنشە، ءيزرايلدىڭ قاتىسۋى گازا سەكتورىنداعى جاعدايدى «قالىپتى ەتىپ كورسەتۋگە» اكەلەدى.
ۇيىمداستىرۋشىلار بۇل جاعدايدى «مادەني ءيميدجدى اقتاۋ» دەپ اتاپ، ارتىستەر مەن حابار تاراتۋشىلاردى EBU پوزيتسياسى وزگەرگەنگە دەيىن بايقاۋعا قاتىسۋدان جانە ترانسلياتسيادان تولىق باس تارتۋعا شاقىرادى.
