استانادا كەنەن ازىرباەۆ كوشەسىندە ورنالاسقان 10 قاباتتى تۇرعىن ۇيدە ءورت شىقتى، دەپ حابارلايدى "ادىرنا" ۇلتتىق پورتالى تجم-گە سىلتەپ.
الدىن الا مالىمەت بويىنشا، 7-قاباتتاعى پاتەردەن ءورت شىققان. وقيعا ورنىنا جەتكەن ءورت سوندىرۋشىلەر جالىندى ءسوندىرۋ جۇمىستارىن جۇرگىزىپ جاتىر. قۇتقارۋشىلار ءورتتى تولىق وقشاۋلاۋ ءۇشىن سۋ بەرۋدى ۇزدىكسىز ۇيىمداستىرىپ، ارنايى شتاب قۇرعان. سونداي-اق بىرنەشە جەدەل ۋچاسكە جۇمىس ىستەپ، تۇرعىنداردى ەۆاكۋاتسيالاۋ شارالارى جۇرگىزىلۋدە.
تجم مالىمەتىنشە، قازىرگى ۋاقىتتا زارداپ شەككەندەر تۋرالى اقپارات 112 نومىرىنە تۇسپەگەن. وقيعانىڭ ءمان-جايى انىقتالۋدا.
ۇقساس جاڭالىقتار
