ۇلىبريتانيادا ۋەفا تورەشىسى كامەلەتكە تولماعان جاسوسپىرىمگە قاتىستى جىنىستىق سيپاتتاعى ارەكەتتەرگە كۇدىكتى رەتىندە ۇستالدى، دەپ حابارلايدى "ادىرنا" ۇلتتىق پورتالى The Telegraph-قا سىلتەپ.
انگليا اۋماعىندا 30 جاستاعى ۋەفا ءاربيترى قاماۋعا الىنعان. تورەشى جاسوسپىرىمگە قاتىستى قالاۋسىز جاناسۋ ارەكەتتەرىن جاساپ، ونى قوناقۇي بولمەسىنە شاقىرماق بولدى دەگەن كۇدىككە ىلىنگەن.
پوليتسيا كۇدىكتىنى انگليادا وتكەن ەۋروكۋبوك ماتچتارىنىڭ بىرىنەن كەيىن قوناقۇيگە ورالعان ساتىندە ۇستاعان. قازىرگى تاڭدا ول كەپىلمەن بوساتىلىپ، تەرگەۋ امالدارى جالعاسۋدا.
پوليتسيا مالىمەتىنشە، جاسوسپىرىمگە پسيحولوگيالىق كومەك كورسەتىلىپ جاتىر. تەرگەۋ تولىق اياقتالعانعا دەيىن ءىستىڭ ءمان-جايى جاريالانبايدى.
باق دەرەگىنشە، اتالعان تورەشى بۇعان دەيىن 2026 جىلعى فۋتبولدان الەم چەمپيوناتى ماتچتارىنا قىزمەت كورسەتۋگە ۇمىتكەرلەردىڭ ءبىرى بولعان. الايدا قازىر ول بارلىق جارىستاردان ۋاقىتشا شەتتەتىلدى.
