كوكشەتاۋ قالاسىندا حالىقتىڭ ءومىر ءسۇرۋ ساپاسىن جاقسارتۋعا باعىتتالعان «AMANAT» پارتياسىنىڭ جول كارتاسىن ىسكە اسىرۋ جونىندە كەڭەس ءوتتى. ءىس-شاراعا اقمولا وبلىسىنىڭ اكىمى مارات احمەتجانوۆ، «AMANAT» پارتياسىنىڭ پارتيالىق باقىلاۋ كوميتەتىنىڭ توراعاسى پاۆەل كازانتسەۆ، پارتيا مۇشەلەرى جانە وبلىستىق ءماسليحات دەپۋتاتتارى قاتىستى.
ء«وڭىر تۇراقتى ەكونوميكالىق ءوسىمدى كورسەتىپ وتىر. 2025 جىلى اگروونەركاسىپتىك كەشەن ءونىمىنىڭ كولەمى 1,2 ترلن تەڭگەگە جەتتى، مال شارۋاشىلىعى، قايتا وڭدەۋ جانە ونەركاسىپ سالالارىندا ينۆەستيتسيالىق جوبالار جۇزەگە اسىرىلۋدا، جاڭا جۇمىس ورىندارى قۇرىلۋدا. يندۋستريالىق ايماقتار دامىپ كەلەدى، وندا جالپى قۇنى 2,7 ترلن تەڭگە بولاتىن جوبالار پۋلى قالىپتاستىرىلعان. تۇرعىن ءۇي سالاسىندا 2026 جىلى شامامەن 1300 وتباسىن پاتەرمەن قامتاماسىز ەتۋ جوسپارلانۋدا. سونداي-اق قالالىق جانە الەۋمەتتىك ينفراقۇرىلىمدى دامىتۋ، سپورتتىق جانە مادەني نىساندار سالۋ جالعاسۋدا»، – دەپ اتاپ ءوتتى ءوڭىر باسشىسى.
ءوڭىردىڭ الەۋمەتتىك-ەكونوميكالىق دامۋى تۋرالى تولىعىراق وبلىس اكىمىنىڭ ءبىرىنشى ورىنباسارى ەلدوس رامازانوۆ باياندادى.
«وبلىس ەلدەگى جەتەكشى وڭىرلەردىڭ ءبىرى بولىپ تابىلادى. «AMANAT» پارتياسىمەن بىرلەسىپ اۋقىمدى جۇمىس جۇرگىزىلۋدە، ول اۋىل شارۋاشىلىعى مەن ونەركاسىپتەن باستاپ قولايلى ينفراقۇرىلىم قۇرۋ جانە الەۋمەتتىك وسال توپتارعا كومەك كورسەتۋگە دەيىنگى بارلىق باعىتتاردى قامتيدى. ءوڭىردىڭ وڭ دامۋى ءۇشىن تۇراقتىلىقتى ساقتاۋ جانە كەمشىلىكتەردى ۋاقىتىلى جويۋ قاجەت»، – دەپ اتاپ ءوتتى پاۆەل كازانتسەۆ.
كەزدەسۋ «AMANAT» پارتياسىنىڭ جول كارتاسىن ىسكە اسىرۋ بويىنشا الداعى جۇمىستى تالقىلاۋمەن جالعاستى.
