قازاقستاننىڭ اۆياتسيالىق اكىمشىلىگىنىڭ باس ديرەكتورى قىزمەتىنە اقش ازاماتى مايكل دەنيەل تاعايىندالدى. بۇل تۋرالى قازاقستاننىڭ كولىك مينيسترلىگى مالىمدەدى، دەپ حابارلايدى “ادىرنا”.
جاڭا قىزمەتىندە مايكل دەنيەلدىڭ نەگىزگى مىندەتتەرىنىڭ ءبىرى – قازاقستان مەن اقش اراسىندا تىكەلەي اۋە رەيستەرىن اشۋ باعىتىندا جۇمىس جۇرگىزۋ.
مايكل دەنيەل ەڭبەك جولىن اقش-تىڭ ازاماتتىق اۆياتسيا فەدەرالدىق باسقارماسىندا (FAA) باستاعان. ول بۇل ۇيىمداعى قىزمەتىندە ۇشۋ پايدالانۋ ينسپەكتورى، اۋە كەمەلەرىن سەرتيفيكاتتاۋ جونىندەگى مامان، ۇشۋ قاۋىپسىزدىگى قىزمەتىنىڭ جەتەكشىسى، سونداي-اق حالىقارالىق باعدارلامالار مەن ساياسات بويىنشا اعا مەنەدجەر سياقتى بىرقاتار ماڭىزدى لاۋازىمداردى اتقارعان.
سونىمەن قاتار، ول FAA-نىڭ فرانكفۋرت، نيۋ-يورك جانە ۆاشينگتون قالالارىنداعى حالىقارالىق كەڭسەلەرىندە جۇمىس ىستەگەن. بۇدان بولەك، ول APEC-ءتىڭ كولىك قاۋىپسىزدىگى جانە اۆياتسيالىق بايلانىس جونىندەگى جۇمىس توبىن قوسا العاندا، بىرقاتار حالىقارالىق باستامالاردى باسقارعان جانە حالىقارالىق ازاماتتىق اۆياتسيا ۇيىمىمەن ىنتىماقتاستىق جاساعان.
