قازاقستاننىڭ حالىق ءارتىسى ماقپال ءجۇنىسوۆا وسكەمەندەگى جول پوليتسياسى قىزمەتكەرلەرىنە قاتىستى رەنىشىن ايتقان بولاتىن. اتالعان جايتقا قاتىستى شىعىس قازاقستان وبلىسىنىڭ پوليتسيا دەپارتامەنتى تۇسىنىكتەمە بەردى، دەپ حابارلايدى "ادىرنا".
ءانشىنىڭ ايتۋىنشا، ول گاسترولدىك ساپارمەن شىعىس قازاقستان وبلىسىنا بارعان كەزدە مىنگەن كولىگىن ءتارتىپ ساقشىلارى توقتاتقان. ونىڭ سوزىنشە، پوليتسيا قىزمەتكەرلەرى كولىكتى ءبىراز ۋاقىت جىبەرمەي ۇستاپ، كەيىن ايىپپۇل سالعان.
ۆەدومستۆو مالىمەتىنشە، 3 مامىر كۇنى وسكەمەن قالاسىندا باجوۆ كوشەسىنىڭ بويىندا «Lexus LX 570» ماركالى كولىك توقتاتىلعان.
تەكسەرۋ بارىسىندا اۆتوكولىكتىڭ الدىڭعى ءبۇيىر اينەكتەرىنە قارا ءتۇستى تونيروۆكا (كولەڭكەلەۋ) جاپسىرىلعانى انىقتالعان. وسىعان بايلانىستى جۇرگىزۋشى كولىك قۇرالدارىن پايدالانۋ قاعيدالارىن بۇزعانى ءۇشىن اكىمشىلىك جاۋاپكەرشىلىككە تارتىلعان.
