قازاقستان مەن قىتاي شەكاراسىنداعى «قورعاس» حالىقارالىق شەكارالىق ىنتىماقتاستىق ورتالىعىندا جۇك تاسىمالدايتىن كولىكتەر ورتەندى، دەپ حابارلايدى «ادىرنا» ءتىلشىسى.
جەتىسۋ وبلىستىق تجد مالىمەتىنشە، وقيعا 4 مامىر كۇنى بولعان.
ء«ورت قىتاي حالىق رەسپۋبليكاسى جاعىنداعى شەكارا ماڭىندا بولعان. وسىعان بايلانىستى قازاقستاننىڭ “101” جانە “112” جەدەل قىزمەت پۋلتتەرىنە ەشقانداي حابارلاما تۇسكەن جوق، ويتكەنى بۇل اۋماق قىتايعا تيەسىلى»، – دەلىنگەن حابارلامادا.
ۆەدومستۆو مالىمەتىنشە، ءورتتىڭ سەبەپتەرى مەن ءمان-جايىن كورشىلەس ەلدىڭ قۇزىرلى ورگاندارى انىقتاپ جاتىر.
ايتا كەتەيىك، ءورت جىلدام تارالىپ، قويما عيماراتىن تولىقتاي جويعان. ونىمەن بىرگە قازاقستانعا جونەلتىلۋگە دايىن تۇرعان تاۋار تيەلگەن 17 جۇك كولىگى ورتەنىپ كەتكەن. كولىكتەردىڭ ناقتى سانى مەن كەلتىرىلگەن شىعىن كولەمى ءالى ناقتىلانۋدا.
