8 مامىر استانا – فرانكفۋرت باعىتى بويىنشا ۇشقان Air Astana رەيسى اقتوبە قالاسىنا ءماجبۇرلى قونۋ جاسادى. بۇل تۋرالى اۆياكومپانيانىڭ ءباسپاسوز قىزمەتى مالىمدەدى، دەپ حابارلايدى "ادىرنا".
مالىمەت بويىنشا، KC921 رەيسى استانادان ساعات 08:54-تە ۇشىپ شىققان جانە تەحنيكالىق سەبەپكە بايلانىستى اقتوبە اۋەجايىنا 11:34-تە قونعان.
"ەكيپاج ۇشۋ قاۋىپسىزدىگىنە قاتىستى ستاندارتتى راسىمدەرگە سايكەس قونۋ تۋرالى شەشىم قابىلدادى. قونۋ قالىپتى رەجيمدە ءوتتى", – دەلىنگەن حابارلامادا.
Air Astana كومپانياسى جولاۋشىلاردى ءارى قاراي تاسىمالداۋ ءۇشىن الماتى قالاسىنان رەزەرۆتىك ۇشاق جىبەرگەن.
رەيستىڭ اقتوبەدەن قايتا ۇشۋى 14:20-عا جوسپارلانعان.
"اۆياكومپانيا جولاۋشىلارعا كەلتىرىلگەن قولايسىزدىقتار ءۇشىن كەشىرىم سۇرايدى", – دەپ مالىمدەدى كومپانيا وكىلدەرى.
ۇقساس جاڭالىقتار
