اقتوبە قالاسىنىڭ جاڭا اكىمى تاعايىندالدى

ازامات بەكەت اقتوبە قالاسىنىڭ جاڭا اكىمى بولىپ تاعايىندالدى، - دەپ حابارلايدى "ادىرنا" ءتىلشىسى وبلىس اكىمدىگىنە سىلتەمە جاساپ. "قازاقستان رەسپۋبليكاسى پرەزيدەنتى اكىمشىلىگىنىڭ جانە اقتوبە قالالىق ءماسليحاتىنىڭ كەلىسىمى بويىنشا اقتوبە وبلىسىنىڭ اكىمى ەرالى توعجانوۆتىڭ وكىمىمەن ازامات باۋىرجانۇلى بەكەت اقتوبە قالاسىنىڭ اكىمى لاۋازىمىنا تاعايىندالدى", - دەلىنگەن حابارلامادا. ازامات بەكەت - قازاق گۋمانيتارلىق-زاڭ ۋنيۆەرسيتەتىنىڭ جانە ەكونوميكا جانە قۇقىق اكادەمياسىنىڭ تۇلەگى. 2016 – 2018 جىلدارى باتىس قازاقستان، اتىراۋ وبلىستارىنىڭ دەنە شىنىقتىرۋ جانە سپورت باسقارماسىنىڭ باسشىسى لاۋازىمدارىندا قىزمەت اتقارعان. 2018 – 2020 جىلدارى اتىراۋ وبلىسى جىلىوي اۋدانىنىڭ اكىمى بولىپ ەڭبەك ەتكەن. 2020 – 2021 جىلدارى اقتوبە قالاسى اكىمىنىڭ ورىنباسارى قىزمەتىن اتقارعان. 2021 جىلدىڭ اقپان ايىنان اقتوبە وبلىسىنىڭ حرومتاۋ اۋدانىنىڭ اكىمى لاۋازىمىن اتقارىپ كەلدى.