پانفيلوۆ اۋدانىندا 18 جاستاعى راحات قابىلجان اسكەرگە جولداما ۇتىپ الدى. ەرەكشە توسىنسىي جاركەنت قالاسىنىڭ ورتالىق الاڭىندا 7 مامىر – وتان قورعاۋشىلار كۇنىنە وراي وتكەن مەرەكەلىك شارا بارىسىندا ۇيىمداستىرىلعان، دەپ حابارلايدى “ادىرنا”.
ۇيىمداستىرۋشىلاردىڭ ايتۋىنشا، مۇنداي باستاما جاستاردىڭ اسكەرگە دەگەن قىزىعۋشىلىعىن ارتتىرىپ، اسكەري قىزمەتتىڭ ماڭىزىن ناسيحاتتاۋ ماقساتىندا قولعا الىنعان.
جاس جىگىتتىڭ ءوزى بۇل جاڭالىقتى ۇلكەن قۋانىشپەن قابىلداعانىن ايتادى. ونىڭ سوزىنشە، اسكەرگە بارۋ – بالا كۇننەن بەرگى ارمانى.
"شەكاراعا جاقىن اۋداندا ءوستىم. اسكەري فورماداعى ادامداردى كورىپ وستىك. اسكەردە جۇرگەن اعالارىمىز بەن تانىستارىمىزعا قىزىعىپ قارايتىنمىن. سوندىقتان بۇل مەن ءۇشىن ەرەكشە مۇمكىندىك بولدى", – دەدى راحات قابىلجان.
ال اۋداندىق قورعانىس ىستەرى ءبولىمىنىڭ باسشىسى سەرىك اسانوۆ جەڭىمپازعا ءوزى تاڭداعان اسكەري بولىمدە قىزمەت ەتۋگە مۇمكىندىك بەرىلەتىنىن جەتكىزدى.
ايتا كەتەيىك، سوڭعى جىلدارى ەلىمىزدە جاستاردىڭ اسكەري قىزمەتكە قىزىعۋشىلىعىن ارتتىرۋ باعىتىندا ءتۇرلى پاتريوتتىق جوبالار مەن اكتسيالار ۇيىمداستىرىلىپ كەلەدى.
