قازاقستان مەن ازەربايجان كاسپي تەڭىزىنىڭ ءتۇبىن تەرەڭدەتۋ بويىنشا بىرلەسكەن كاسىپورىن قۇرۋعا دايىندالىپ جاتىر. بۇل تۋرالى قازاقستان ۇكىمەتىنىڭ «ورتا ءدالىزدى دامىتۋ جونىندەگى ىنتىماقتاستىق بويىنشا كەلىسىمگە قول قويۋ تۋرالى» قاۋلى جوباسىنىڭ سيپاتتاماسىندا ايتىلعان، دەپ حابارلايدى "ادىرنا".
قۇجات قازاقستان پرەزيدەنتى قاسىم-جومارت توقاەۆتىڭ 2024 جىلعى 11–12 ناۋرىزداعى ازەربايجانعا ساپارىنىڭ قورىتىندىسى بويىنشا بەرىلگەن تاپسىرماسىنا سايكەس ازىرلەنگەن.
جوباعا سايكەس، قاۋلىنى قابىلداۋدان كۇتىلەتىن ناتيجە كەلىسىم كۇشىنە ەنگەننەن كەيىن بايقالادى. بۇل باستاما ورتا ءدالىزدى دامىتۋعا جانە ەكى ەل اراسىنداعى كولىك-لوگيستيكالىق ىنتىماقتاستىقتى كەڭەيتۋگە باعىتتالعان.
ۇقساس جاڭالىقتار
