دونالد ترامپ قازاقستان پرەزيدەنتى قاسىم-جومارت توقاەۆتى كەلەسى جىلى مايامي قالاسىندا وتەتىن G20 سامميتىنە قوناق رەتىندە شاقىردى، دەپ حابارلايدى "ادىرنا" ۇلتتىق پورتالى.
ترامپ ءوز الەۋمەتتىك جەلىسىندە Truth Social پاراقشاسىندا سويلەسۋ تۋرالى جازىپ، قازاقستان مەن وزبەكستان پرەزيدەنتتەرىن كەلەسى جىلى اقش-تا وتەتىن G20 سامميتىنە شاقىرعانىن جازدى.
اقش پرەزيدەنتى قازاقستانمەن قاتىناستاردىڭ «تاماشا دامىپ كەلە جاتقانىن» اتاپ ءوتتى. سونىمەن قاتار، ول ەكىجاقتى تەلەفون اڭگىمەسى بارىسىندا مەملەكەت باسشىلارى الەمدەگى كەيبىر داۋلى ايماقتاردا بەيبىتشىلىكتى ورناتۋ، سونداي-اق ەلدەر اراسىنداعى ساۋدا مەن ارىپتەستىكتى كەڭەيتۋ ماسەلەلەرىن تالقىلاعانىن ايتتى.
قازاقستاندىق تاراپ مالىمدەگەندەي، قاسىم-جومارت توقاەۆ تەلەفون اڭگىمەسى بارىسىندا قاراشادا ۆاشينگتونعا جاساعان ساپارى كەزىندە قول جەتكىزىلگەن كەلىسىمدەردى تولىق ىسكە اسىرۋعا نيەتتى ەكەنىن راستاعان. سونداي-اق، ۋكرايناداعى قاقتىعىستى رەتتەۋ قيىن ەكەنىن، ونىڭ ىشىندە تەرريتوريالىق ماسەلەلەر باستى نازاردا ەكەنىن جەتكىزدى.
سونىمەن قاتار، قازاقستان پرەزيدەنتى دونالد ترامپتىڭ كوشباسشىلىق قاسيەتتەرىن ەرەكشە اتاپ ءوتىپ، بۇل قاسيەتتەر حالىقارالىق اسكەري قاقتىعىستاردى توقتاتىپ، اقش-تىڭ ىشكى الەۋەتىن كۇشەيتۋگە مۇمكىندىك بەرگەنىن ايتتى.
