Donald Tramp Qazaqstan Prezidentı Qasym-Jomart Toqaevty kelesı jyly Maiami qalasynda ötetın G20 sammitıne qonaq retınde şaqyrdy, dep habarlaidy "Adyrna" ūlttyq portaly.
Tramp öz äleumettık jelısınde Truth Social paraqşasynda söilesu turaly jazyp, Qazaqstan men Özbekstan prezidentterın kelesı jyly AQŞ-ta ötetın G20 sammitıne şaqyrǧanyn jazdy.
AQŞ prezidentı Qazaqstanmen qatynastardyŋ «tamaşa damyp kele jatqanyn» atap öttı. Sonymen qatar, ol ekıjaqty telefon äŋgımesı barysynda memleket basşylary älemdegı keibır dauly aimaqtarda beibıtşılıktı ornatu, sondai-aq elder arasyndaǧy sauda men ärıptestıktı keŋeitu mäselelerın talqylaǧanyn aitty.
Qazaqstandyq tarap mälımdegendei, Qasym-Jomart Toqaev telefon äŋgımesı barysynda qaraşada Vaşingtonǧa jasaǧan sapary kezınde qol jetkızılgen kelısımderdı tolyq ıske asyruǧa niettı ekenın rastaǧan. Sondai-aq, Ukrainadaǧy qaqtyǧysty retteu qiyn ekenın, onyŋ ışınde territoriialyq mäseleler basty nazarda ekenın jetkızdı.
Sonymen qatar, Qazaqstan Prezidentı Donald Tramptyŋ köşbasşylyq qasietterın erekşe atap ötıp, būl qasietter halyqaralyq äskeri qaqtyǧystardy toqtatyp, AQŞ-tyŋ ışkı äleuetın küşeituge mümkındık bergenın aitty.
