Ukraina men AQŞ investisiialyq qor qūru turaly kelısımge kelmek

1061
Adyrna.kz Telegram
https://adyrna.kz/content/uploads/2024/01/fa627586-38e5-4209-a7f2-2eb338955f65-960x500.jpeg?token=7d3c6fc38bed101b76c5dc6ad823e9d3
Ukraina Ükımetı AQŞ-pen İnvestisiialyq qor qūru jönındegı kelısımdı bekıtu üşın qajettı şeşımder qabyldauda. Būl turaly eldıŋ premer-ministrı Denis Şmygal mälımdedı, dep habarlaidy "Adyrna" ūlttyq portaly. Kelısım aiasynda Ukrainaǧa tabiǧi resurstaryn, sonyŋ ışınde sirek kezdesetın metaldardy igerude jaŋa mümkındıkter aşylmaq. Şmygaldıŋ aituynşa, qor Ukraina men AQŞ-tyŋ bırlesken menşıgı bolady jäne ony ekı eldıŋ ükımetterı bırlesıp basqarady. "Ukrainanyŋ jer qoinauy men resurstary öz menşıgınde qalady, olar AQŞ-qa nemese basqa bıreuge berılmeidı. Ukraina bolaşaqta özınıŋ tabiǧi resurstarynan tüsetın tabystyŋ 50%-yn qorǧa audarmaq, al AQŞ qarjy qūraldary men basqa da qajettı aktivter arqyly üles qosady" – dep tüsındırdı Şmygal. Qorǧa jinalǧan qarajat Ukraina ekonomikasyn qalpyna keltıruge baǧyttalatyny jäne būl kelısımnıŋ Ukraina EO-ǧa integrasiialau mındettemelerıne säikes keletını atap ötıldı. Būǧan deiın 21 aqpanda ūsynylǧan kelısımnıŋ alǧaşqy nūsqasynda AQŞ Ukraina tabiǧi resurstardan, mūnai-gaz sektorynan jäne porttyq infraqūrylymnan tüsetın tabystyŋ 50%-ynan bas tartuyn talap etken bolatyn. Sonymen qatar, AQŞ-tyŋ kelısımge säikes 500 milliard dollarlyq qor qūrudy talap etkenı turaly aqparat taraǧan. Alaida, Ukraina prezidentı Vladimir Zelenskii būl talaptardy qabyldaudan bas tartty. Soŋǧy mälımetterge säikes, AQŞ prezidentı Donald Tramp 28 aqpanda Zelenskiidı Aq üide kütıp, sirek kezdesetın metaldar boiynşa mämılege qol qoiuy mümkın.
Pıkırler