Ukraina AQŞ-tyŋ joǧary lauazymdy ökılderımen kelıssözderden keiın Kaspii qūbyr konsorsiumynyŋ (KQK) infraqūrylymyna şabuyl jasamauǧa mındetteme aldy, dep habarlaidy "Adyrna" ūlttyq portaly.
Būl turaly Bloomberg agenttıgı aqparat taratty.
Aqparatqa säikes, Kiev Qara teŋızdegı Reseige qatysy joq mūnai tankerlerıne de şabuyl jasamauǧa kelısken. Alaida būl üşın bırneşe şart qoiylǧan. Atap aitqanda, keme men onyŋ iesı Ukraina sanksiialarynyŋ tızımınde bolmauy, Resei azamatyna nemese zaŋdy tūlǧasyna tiesılı bolmauy tiıs. Sonymen qatar tanker bortynda Resei mūnaiy nemese osy elden şyqqan özge de jük bolmauy qajet.
Bloomberg mälımetınşe, kommersiialyq tasymaldauşylar üşın Ukraina arnaiy bailanys arnalary men tiıstı nūsqaulyqtar äzırlegen. Būl kelıssözder şılde aiynda Novorossiisk maŋynda bolǧan bırneşe dron şabuylynan keiın ötken. Atalǧan şabuyldar mūnai tieu jūmystarynyŋ uaqytşa toqtauyna jäne älemdık naryqtaǧy mūnai baǧasynyŋ ösuıne äser etken.
Qazaqstan üşın KQK mūnai eksportyndaǧy negızgı baǧyttardyŋ bırı sanalady. Kaspii qūbyr konsorsiumy arqyly eldegı mūnai eksportynyŋ 80 paiyzdan astamy tasymaldanady. Onyŋ ışınde Teŋız, Qaşaǧan jäne Qaraşyǧanaq ken oryndarynan öndırıletın mūnai bar. 19 şıldede KQK teŋız terminalynda mūnai tieu kezınde Liberiia jäne Marşall araldary tuyn kötergen ASIA jäne NISSOS IOS tankerlerıne drondar şabuyl jasaǧan. ASIA tankerınde ört şyǧyp, ony KQK avariialyq-qūtqaru qyzmetterımen bırlesıp ekipaj söndırgen. Osydan keiın mūnai tieu jūmystary uaqytşa toqtatyldy. 20 şıldege qaraǧan tünı mūnai tiep tūrǧan Nelsa tankerıne de dron şabuyl jasaǧan. Dron kemenıŋ artqy bölıgıne soǧylyp, paluba men jük bölımderınde ört şyqqan. Ört bırneşe saǧattan keiın söndırıldı. Tankerdıŋ jüzu qabıletı saqtalyp, mūnai tögılgen joq. 30 şıldege qaraǧan tünı KQK teŋız terminalyna taǧy da drondar şabuyl jasaǧan. Būl joly Marşall araldary tuyn kötergen Nissos Sifnos tankerı zaqymdandy. Keme «Teŋızşevroil» JŞS-nıŋ mūnaiyn tiep jatqan. Şabuyldan keiın jük palubasynda ört şyǧyp, ekipaj üş kömekşı kemenıŋ qatysuymen ony söndırgen. Mūnaidyŋ teŋızge tögıluıne jol berılmedı.
Reuters agenttıgınıŋ mälımetınşe, dron şabuyldarynyŋ jiıleuıne bailanysty Qazaqstan mūnaiynyŋ KQK arqyly eksporty şılde aiynda josparly körsetkışten 20 paiyzdan astam tömendegen. Qazaqstan mūnaiynyŋ negızgı eksporttyq baǧyty sanalatyn Kaspii qūbyr konsorsiumy (KQK) arqyly şılde aiynda täulıgıne şamamen 1,2–1,3 mln barrel mūnai eksporttalǧan. Būl qalypty körsetkışten edäuır tömen. Ädette KQK arqyly täulıgıne 1,6–1,7 mln barrel mūnai tasymaldanady.
