Qazaqstanda AES salýǵa qansha qarajat ketetini aıtyldy. Bul jaıynda «Qazaqstandyq atom elektr stanııalary» JShS bas dırektory Tımýr Jantıkın málimdedi, dep habarlaıdy “Adyrna” ulttyq portaly.
Málimet boıynsha, elimizge atom elektr stanııasyn salý boıynsha 4 joba qarastyrylyp jatyr.
«Búgingi tańda elimizde atom elektr stanııasyn salý úshin 10-15 mıllıard dollar kerek. Qujattar shamamen 5 jyl ázirlenedi. Óıtkeni, birinshi kezeńde tehnıkalyq-ekonomıkalyq negizdemeni ázirleýge 1,5-2 jyl kerek. Sodan keıin Úkimet AES salý týraly oń sheshim qabyldasa, jobalaý-smetalyq qujattama ázirlenedi. Oǵanda ýaqyt qajet. AES shashamen 5 jyl salynady. Iaǵnı atom elektr stanııasyn 2035 jyly iske qosamyz dep oılaımyz», - dedi Tımýr Jantańın Astanada ótken «Beıbit atom» respýblıkalyq semınarynda.
Sondaı-aq, ol AES salý úshin 2 oryn qarastyrylǵanyn aıtty.
«Ázirge tek bir oryn qarastyrylyp jatyr. Is júzinde 2 oryn qarastyrylǵan: ShQO jáne ońtústikte. Ońtústik Qazaqstan energojúıeniń sharty boıynsha burynǵy GRES alańynyń orny bolyp sanalady. Sodan keıin Almaty oblysy Úlken kenti tańdaldy. Ol Balqash kólinde ornalasqan.
Birinshi stanııa 10-15 mlrd dollar bolady. Sebebi, ol – alǵashqy stanııa. Qazir qarjylandyrý kózi pysyqtalyp jatyr. Bul – negizinen halyqaralyq qarjy ınstıtýttary. Joba ázirge kommerııalyq bolyp sanalady. Memleket oǵan aralaspaıdy. Tıisinshe onyń sharttary da bar», - dedi Jantakın.
