Qazaqstanda Tötenşe jaǧdailar ministrlıgı örtke qarsy qyzmet komitetınıŋ basşysy men bırneşe joǧary lauazymdy tūlǧalar qamauǧa alyndy, dep habarlaidy “Adyrna” tılşısı QR Sybailas jemqorlyqqa qarsy küres agenttıgıne sılteme jasap.
Resmi mälımdemede:
«Astana qalasynyŋ audanaralyq tergeu soty Qazaqstan Respublikasy Tötenşe jaǧdailar ministrlıgı Örtke qarsy qyzmet komitetınıŋ töraǧasyna, Şymkent qalasy jäne Jetısu oblysy Tötenşe jaǧdailar departamentınıŋ basşylaryna qatysty «qamau» türındegı būltartpau şarasyn sanksiialady», - delıngen habarlamada.
Qazırgı taŋda “küdıktı” dep tanylǧan tūlǧalardyŋ özge de sybailas jemqorlyq qylmystaryna qatystyǧy tekserılıp jatyr.
«Olar käsıpkerlerden ört qauıpsızdıgı salasyndaǧy mesenattyq qyzmetı üşın jüielı türde para aldy, tekserıletın ūiymdardy kelısım-şart jasasu arqyly olardyŋ qyzmetterın satyp aluǧa mäjbürledı, sondai-aq olardyŋ aqysyn uaqtyly töleudı qamtamasyz ettı degen küdıkke ılındı. Para somasy 100 myŋnan 4 million teŋgege deiın bolǧan. Küdıktıler ūstalyp, uaqytşa ūstau izoliatoryna qamaldy», - dep mälımdeidı.
Ūqsas jaŋalyqtar
