15 qazanda Qasym-Jomart Toqaev pen İlham Äliev Transkaspii talşyqty-optikalyq kabel jelısın onlain formatta resmi türde ıske qosty, dep habarlaidy «Adyrna» tılşısı.
Report agenttıgı taratqan aqparatqa säikes, Memleket basşylary kezdesude ekı el arasyndaǧy strategiialyq ärıptestık pen odaqtastyq qatynastardyŋ damuyn talqylady. Sondai-aq özara saparlardyŋ ekıjaqty yntymaqtastyqty keŋeituge qosqan ülesı atap ötıldı. Prezidentter Bakude ötken Aziiadaǧy özara ıs-qimyl jäne senım şaralary jönındegı keŋestıŋ VII sammitınıŋ qorytyndylary jönınde de pıkır almasty.
«Sifrlyq Jıbek joly» bastamasy aiasynda jüzege asyrylǧan joba boiynşa Kaspii teŋızınıŋ tübımen Qazaqstannyŋ Aqtau qalasy men Äzerbaijannyŋ Sumǧaiyt qalasy arasynda ūzyndyǧy şamamen 380 şaqyrym kabel tartylǧan. Onyŋ ötkızu qabıletı sekundyna 400 terabitten asady.
Jaŋa jelı Qytai men Ortalyq Aziiadan Europaǧa Äzerbaijan, Qazaqstan jäne Gruziia arqyly derek jetkızuge mümkındık beredı. Osylaişa, Orta dälızdıŋ kölık baǧyty retındegı maŋyzymen qatar, halyqaralyq sifrlyq bailanys arnasy retındegı äleuetı de arta tüspek. Joba derekterdı öŋdeu ortalyqtaryn, jasandy intellekt infraqūrylymyn jäne būltty qyzmetterdı damytuǧa da jol aşady.
Qazaqstan Prezident Qasym-Jomart Toqaev bastamanyŋ maŋyzyn atap ötıp, jaŋa jelını «Orta dälızdıŋ sifrlyq nūsqasy» dep atady. Al Äzerbaijan basşysy İlham Äliev jobanyŋ Ortalyq Aziia men Oŋtüstık Kavkaz elderı arasyndaǧy bailanysty nyǧaituǧa yqpal etetının aitty.
Transkaspii bailanys jelısı «Qazaqtelekom» AQ men Äzerbaijannyŋ AzerTelecom International kompaniiasy bırlesıp qūrǧan CaspiLink B.V. käsıporny arqyly jüzege asyrylyp jatyr. Qazır Qazaqstan men Äzerbaijan aumaǧyndaǧy kabel uchaskelerı özara jalǧanyp, optikalyq jelıler synaqtan sättı ötken.
