Qazaqstanda ūstalǧan reseilık reper Navai ekı aiǧa qamauǧa alyndy. Būl turaly Jambyl oblysynyŋ polisiia departamentı aitty, dep habarlaidy «Adyrna» tılşısı.
«13 qazanda «Qordai» şekarasy maŋyndaǧy baqylau-ötkızu punktınde Qazaqstanǧa kıru kezınde polisiia qyzmetkerlerı ŪQK Şekara qyzmetımen bırlesıp, sahnalyq laqap aty NAVAI retınde belgılı şeteldık azamatty ūstady. Ol mınıp kelgen avtokölıktı tekseru barysynda esırtkı zaty tabylyp, tärkılendı»,– delıngen habarlamada.
PD mälımetınşe, atalǧan faktı boiynşa Qazaqstan Respublikasy Qylmystyq kodeksınıŋ esırtkı zattarynyŋ kontrabandasy men olardy zaŋsyz saqtauǧa qatysty ekı baby boiynşa tergeu jürgızılıp jatyr.
«Küdıktıge qatysty sot şeşımımen qamauda ūstau türındegı būltartpau şarasy qoldanyldy», – delıngen habarlamada.
