Foto: 2gis
Almatydaǧy Respublikalyq fizika-matematika mektebınde jedel ışek infeksiiasyn jūqtyrǧandar sany artty, dep habarlaidy “Adyrna”.
Auru belgılerımen auruhanaǧa jatqyzylǧan oquşylarynyŋ sany 55-ke jettı. Qalalyq qoǧamdyq densaulyq saqtau basqarmasy mälımetınşe, balalar 12–15 qazan aralyǧynda Almaty qalalyq balalar klinikalyq infeksiialyq auruhanasyna jetkızılgen. Qazır olarǧa qajettı medisinalyq kömek körsetılıp, mamandardyŋ tūraqty baqylauyna alynǧan.
Basqarmanyŋ habarlauynşa, auruhanaǧa jatqyzylǧan balalardyŋ jaǧdaiy tūraqty. Derttıŋ asqynu belgılerı baiqalmaǧan. Reanimasiialyq kömek qajet bolǧan jaǧdailar tırkelmegen.
Oqiǧaǧa bailanysty mektep 14–16 qazan aralyǧynda oqu prosesın uaqytşa onlain formatqa auystyrdy. Mektep-internat pen as blogynyŋ jūmysy toqtatyldy. Sanitariialyq-epidemiologiialyq qyzmet mamandary ǧimarattardy tekserıp, zerthanalyq zertteuler jürgızu üşın synamalar alǧan.
Sondai-aq Almaty qalasynyŋ polisiiasy RFMM oquşylarynyŋ jappai ulanu deregı boiynşa qylmystyq ıs qozǧady.
Eske salaiyq, 14 qazanda Almatydaǧy RFMM-nıŋ 50-ge juyq oquşysy jedel ışek infeksiiasynyŋ belgılerımen auruhanaǧa jatqyzylǧany habarlanǧan edı.
