قازاقستاندا ۇستالعان رەسەيلىك رەپەر Navai ەكى ايعا قاماۋعا الىندى. بۇل تۋرالى جامبىل وبلىسىنىڭ پوليتسيا دەپارتامەنتى ايتتى، دەپ حابارلايدى «ادىرنا» ءتىلشىسى.
«13 قازاندا «قورداي» شەكاراسى ماڭىنداعى باقىلاۋ-وتكىزۋ پۋنكتىندە قازاقستانعا كىرۋ كەزىندە پوليتسيا قىزمەتكەرلەرى ۇقك شەكارا قىزمەتىمەن بىرلەسىپ، ساحنالىق لاقاپ اتى NAVAI رەتىندە بەلگىلى شەتەلدىك ازاماتتى ۇستادى. ول ءمىنىپ كەلگەن اۆتوكولىكتى تەكسەرۋ بارىسىندا ەسىرتكى زاتى تابىلىپ، تاركىلەندى»،– دەلىنگەن حابارلامادا.
پد مالىمەتىنشە، اتالعان فاكتى بويىنشا قازاقستان رەسپۋبليكاسى قىلمىستىق كودەكسىنىڭ ەسىرتكى زاتتارىنىڭ كونترابانداسى مەن ولاردى زاڭسىز ساقتاۋعا قاتىستى ەكى بابى بويىنشا تەرگەۋ جۇرگىزىلىپ جاتىر.
«كۇدىكتىگە قاتىستى سوت شەشىمىمەن قاماۋدا ۇستاۋ تۇرىندەگى بۇلتارتپاۋ شاراسى قولدانىلدى»، – دەلىنگەن حابارلامادا.
