شىمكەنتتەگى قوناقۇي كەشەندەرىنىڭ بىرىندە پوليتسيا ەسىرتكىنىڭ زاڭسىز اينالىمىنا قاتىسى بار دەگەن كۇدىكپەن 36 جاستاعى استانا تۇرعىنىن ۇستادى. بۇل تۋرالى ءىىم جاريالادى، دەپ حابارلايدى "ادىرنا".
اقپاراتقا سايكەس، ۇستالعان س. ەسىمدى ازاماتتىڭ اسابا بولىپ جۇمىس ىستەيتىنى انىقتالدى. ءتىنتۋ كەزىندە قوناقۇي بولمەسىنەن اق ءتۇستى ۇنتاق ءتارىزدى زات سالىنعان پاكەت پەن وسىمدىك تەكتەس زات تابىلىپ، تاركىلەندى.
كۇدىكتىنىڭ ايتۋىنشا، تاركىلەنگەن زاتتار مەفەدرون جانە كوكنار بولعان. ول ولاردى جەكە قولدانۋ ءۇشىن ساتىپ العانىن ءتۇسىندىردى.
ەر اداممەن بىرگە، الدىن الا مالىمەت بويىنشا ينتيمدىك قىزمەت كورسەتەتىن ايەل بولعان.
قازىر ساراپتاما جۇرگىزىلىپ، زاتتاردىڭ ناقتى قۇرامى مەن مولشەرى انىقتالۋدا. اتالعان فاكتى بويىنشا سوتقا دەيىنگى تەرگەۋ باستالدى.
ۇقساس جاڭالىقتار
