الماتىدا مەشىتتە ۇرلىق جاسادى دەگەن كۇدىكپەن 2 ەر ادام ۇستالدى. بۇل تۋرالى Polisia.kz جاريالادى، دەپ حابارلايدى “ادىرنا” ۇلتتىق پورتالى.
بوستاندىق اۋدانىندا پوليتسەيلەر مەشىتتە جاسالعان 7 ۇرلىقتىڭ بەتىن اشتى.
اۋداندىق پوليتسيا باسقارماسىنىڭ باسشىسى ماقسات قاناپياەۆتىڭ ايتۋىنشا، جەدەل-ىزدەستىرۋ ءىس-شارالارى بارىسىندا 29-34 جاستاعى كۇدىكتىلەر ۇستالعان. ولار ەش جەردە جۇمىس ىستەمەگەن.
“ك. اتتى كۇدىكتىنىڭ 5 قىلمىسقا قاتىسى بارى دالەلدەندى. ونىڭ «ارىپتەسى»، ە. اتتى ازامات 2 رەت ۇرلىق جاساعان. ولار قالاداعى ءىرى مەشىتتە بىرنەشە رەت زاڭعا قايشى ارەكەتكە بارعان، - دەدى پوليتسيا باسشىسى.
سونىمەن قاتار، زارداپ شەككەندەردىڭ ايتۋىنشا، ولار مەشىتتە ناماز وقىعان كەزدە تەلەفوندارىن اياعىنىڭ استىنا قويعان. مۇنى ۇرىلار ءساتتى پايدالانعان.
“جابىرلەنۋشىلەر تەك نامازدان كەيىن ۇيالى تەلەفوندارىنىڭ جوعالعانىن بايقاعان. ۇستالعاندار ۇرلىققا قاتىسى بارىن جوققا شىعارمايدى. ولار ءوز كىنالارىن مويىنداپ، ىستەگەن ىستەرىنە وكىنىپ وتىر”، - دەدى ماقسات قاناپياەۆ.
بۇل دەرەك قىلمىستىق كودەكستىڭ 88-بابى بويىنشا تىركەلدى. كۇدىكتىلەردىڭ باسقا قىلمىستىرعا قاتىسىنىڭ بار-جوعى انىقتالىپ جاتىر.
