الماتىدا گارۆارد ۋنيۆەرسيتەتىنىڭ ستۋدەنتى اقنازار قاجىمۇراتتىڭ ءمايىتى تابىلدى، دەپ حابارلايدى “ادىرنا” ۇلتتىق پورتالى پوليتسيا دەپارتامەنتىنە سىلتەمە جاساپ.
2018 جىلى الماتىداعى فيزيكا-ماتەماتيكا باعىتىنداعى نازارباەۆ زياتكەرلىك مەكتەبىنىڭ تۇلەگى جاس كەمەڭگەر گارۆارد ۋنيۆەرسيتەتىنە وقۋعا ءتۇستى.
ستۋدەنت الماتىدا اكادەميالىق دەمالىستا بولعانى ايتىلادى.
الماتى پوليتسيا دەپارتامەنتى ىزدەۋ شارالارى اياسىندا جەدەل-ىزدەستىرۋ توبىنىڭ قۇرىلعانىن حابارلادى.
“بۇگىن ۇب كريمينالدىق پوليتسيا باسقارماسىنىڭ قىزمەتكەرلەرى بوستاندىق اۋدانى اۋماعىنان جاس جىگىتتىڭ دەنەسىن تاپتى. زورلىق-زومبىلىق بەلگىلەرى تابىلمادى. مەديتسينالىق ساراپتاما تاعايىندالدى. ءمان-جاي انىقتالۋدا”،-دەدى پوليتسيا.
ەستەرىڭىزگە سالا كەتسەك، الماتىدا 3 قاراشا كۇنى ءىز-ءتۇسسىز جوعالىپ كەتكەن 20 جاستاعى ازاماتتىڭ ءمايىتى تابىلدى. ول الماتى قالاسىندا كەزدەسۋگە كەتكەنى بەلگىلى بولدى. سوڭعى رەت تەلەفونمەن ساعات كەشكى 20:27 اراسىندا اجەسىمەن سويلەسكەن.
“ادىرنا” ۇلتتىق پورتالى